ترامپتى ميتينگ كىم اتقانى بەلگىلى بولدى

ۆاشينگتون. KAZINFORM - سەنبى كۇنى بۇرىنعى پرەزيدەنت دونالد ترامپتى ولتىرمەك بولعان ادامنىڭ 20 جاستاعى توماس مەتتيۋ كرۋكس ەكەنى انىقتالدى، دەپ حابارلايدى New York Post باسىلىمى.

پەنسيلۆانيا شتاتىنداعى بەتەل-پارك تۇرعىنى توماس كرۋكس پيتتسبۋرگ ماڭىنداعى باتلەر كوشەلەرىندەگى ميتينگىدە وق جاۋدىردى، وقتىڭ ءبىرى ترامپتىڭ قۇلاعىنا ءتيدى.

«كرۋكس Butler Farm Show ساحناسىنان 130 يارد قاشىقتىقتا ورنالاسقان وندىرىستىك عيماراتتىڭ توبەسىندە بولدى»، دەيدى دەرەككوز.

ونى قۇپيا قىزمەت سنايپەرلەرى ءولتىردى. ونىڭ مىلتىعى كەيىنىرەك تابىلدى.

بەتەل پاركى - باتلەردەگى ميتينگ الاڭىنان وڭتۇستىككە قاراي 40 ميل قاشىقتىقتا ورنالاسقان اۋىل.

كرۋكستىڭ رەسپۋبليكاشىل پرەزيدەنتتىككە بولجامدى كانديداتتى نە سەبەپتى اتقانى بەلگىسىز.

ەستەرىڭىزگە سالا كەتەيىك، 13-شىلدە كۇنى كەشكە پەنسيلۆانياداعى سايلاۋالدى ناۋقانىندا ا ق ش- تىڭ بۇرىنعى پرەزيدەنتى دونالد ترامپتىڭ ومىرىنە قاستاندىق جاسالعان بولاتىن. ونىڭ قۇلاعى جاراقاتتاندى، ميتينگتە ءبىر قاتىسۋشى قايتىس بولدى، تاعى ەكەۋى اۋىر جاراقات الدى. اتقان ادامدى قۇپيا قىزمەت ولتىرگەن.