ترامپتىڭ ارنايى وكىلى تاياۋ شىعىستى ارالايدى
استانا. KAZINFORM - ۋيتكوفف قاتار، مىسىر، يزرايل، ءباا جانە ساۋد ارابياسىنا ساپارى بارىسىندا يزرايل مەن حاماس اراسىنداعى كەلىسىمنىڭ ءبىرىنشى كەزەڭىن ۇزارتۋعا كۇش سالادى، دەپ حابارلايدى Kazinform ءتىلشىسى.
دونالد ترامپتىڭ تاياۋ شىعىستاعى ارنايى وكىلى ستيۆەن ۋيتكوفف وسى اپتادا تاياۋ شىعىسقا بارادى جانە يزرايل مەن حاماس اراسىنداعى اتىستى توقتاتۋ جانە كەپىلگە الىنعانداردى بوساتۋ تۋرالى كەلىسىمدى ۇزارتۋ تۋرالى كەلىسسوزدەر جۇرگىزۋگە تىرىسادى. بۇل تۋرالى CNN ارناسىندا ساياساتكەردىڭ ءوزى مالىمدەدى.
- بىزگە ەكىنشى كەزەڭ مەرزىمىن ۇزارتۋعا قول جەتكىزۋ كەرەك. مەن وسى اپتادا، مۇمكىن سارسەنبىدە، وسىعان قاتىستى كەلىسسوزدەر جۇرگىزۋ ءۇشىن ايماققا بارامىن. بىزدە ەكىنشى كەزەڭدى باستاۋعا، ونى اياقتاۋعا جانە تاعى دا كەپىلگە الىنعانداردى بوساتۋعا جەتكىلىكتى ۋاقىت بولادى دەپ ۇمىتتەنەمىن، - دەدى ۋيتكوفف.
كەيىنىرەك ول ساپارىندا قاتار، مىسىر، يزرايل، ب ا ءا جانە ساۋد ارابياسىنا ايالدايتىنىن ايتتى.
19-قاڭتاردا كۇشىنە ەنگەن ءۇش فازالىق اتىستى توقتاتۋ كەلىسىمىنىڭ ءبىرىنشى كەزەڭى اياقتالۋعا جاقىن. تاراپتار ءوزارا زاڭ بۇزۋشىلىقتار تۋرالى ايىپتاۋلارعا قاراماستان، كەلىسىم تالاپتارىن ورىندادى.
سەنبى كۇنى كەلەڭسىزدىك بولدى، يزرايل تۇتقىنداعى التى ادامدى بوساتقاننان كەيىن 602 پالەستينالىقتى بوساتۋدى كەيىنگە قالدىردى. يزرايل پرەمەر- ءمينيسترى بينيامين نەتانياحۋ يزرايل پالەستينالىق تۇتقىنداردى بوساتۋدى «كەلەسى كەپىلگە الىنعاندار بوساتىلعانعا دەيىن جانە قورلاۋ راسىمدەرىنسىز» كەيىنگە قالدىراتىنىن ايتتى.
كەلىسىمنىڭ العاشقى التى اپتالىق كەزەڭى 1-ناۋرىزدا اياقتالۋى كەرەك جانە وسى كەزەڭدە ازات ەتىلۋى ءتيىس تۇتقىنداردىڭ سوڭعى توبى سەنبىدە، ياعني 22-اقپاندا بوساتىلدى.
اتىستى توقتاتۋدىڭ ءبىرىنشى كەزەڭى گازا سەكتورىندا ۇستالعان 33 يزرايلدىك تۇتقىندى يزرايلدە ۇستالعان 2000 عا جۋىق پالەستينالىق تۇتقىنعا ايىرباستاۋ تۋرالى كەلىسىمدى قامتيدى. ەكىنشى كەزەڭ ءيزرايلدىڭ پالەستينا انكلاۆىنان تولىق شىعۋىن جانە قالعان 60 قا جۋىق كەپىلدى بوساتۋدى قامتيدى.
تاراپتار ەكىنشى كەزەڭنىڭ شارتتارىن كەلىسۋ بارىسىندا ءبىرىنشى كەزەڭدى ۇزارتۋعا مۇمكىندىك بەرەدى. ءبىراق يزرايل بۇل كەلىسسوزدەردىڭ باستالۋىن كەشىكتىرىپ جاتىر، ال پرەمەر- مينيستر بينيامين نەتانياحۋدىڭ اسىرە وڭشىل كواليتسياداعى سەرىكتەستەرى سوعىس قايتا باستالماسا، ۇكىمەتتى قۇلاتامىز دەپ قورقىتادى.
نەتانياحۋ ح ا م ا س- تىڭ اسكەري جانە ۇكىمەتتىك مۇمكىندىكتەرى جويىلمايىنشا نەمەسە تاراتىلمايىنشا سوعىستى توقتاتۋعا كەلىسپەيتىنىن بىرنەشە رەت مالىمدەدى. ترامپ اكىمشىلىگى ح ا م ا س- تىڭ يزرايلدىك كەپىلگە العان ارەكەتتەرىن سىناي وتىرىپ، بۇل پەرسپەكتيۆانى كوبىرەك قولدايتىن سىڭاي تانىتتى.
ۋيتكوفف تاياۋدا ەكىنشى كەزەڭنىڭ شارتتارى ماڭىزدى پروبلەما تۋدىراتىنىن مويىندادى، ويتكەنى يزرايل كەپىلگە الىنعانداردى بوساتۋدى قالايدى، ءبىراق ح ا م ا س- تى بيلىكتە قالدىرعىسى كەلمەيدى.
