ترامپ يسلام رەسپۋبليكاسىنداعى رەجيمدى اۋىستىرۋعا بەيىل ەكەنىن اشىق ايتتى

استانا. قازاقپارات - يرانداعى يادرولىق نىساندارعا كەلتىرىلگەن زالال وراسان. ا ق ش پرەزيدەنتى دونالد ترامپ الەۋمەتتىك جەلىدەگى رەسمي پاراقشاسىندا وسىنداي جازبا قالدىردى. ونىڭ ايتۋىنشا، قۇراما شتاتتار اسكەريلەرىنىڭ سوققىلارى قۋاتتى ءارى نىساناعا ءدوپ ءتيدى.

بومبالاۋشى ۇشاقتار ا ق ش- تاعى بازاعا ورالدى

 سونداي-اق شابۋىلعا قاتىسقان بي-2 (B-2)  بومبالاۋشى ۇشاقتارى ميسسۋري شتاتتىنداعى بازاعا امان-ەسەن ورالعانىن حابارلادى. بۇدان بولەك پرەزيدەنت ترامپ يسلام رەسپۋبليكاسىنداعى رەجيمدى اۋىستىرۋعا بەيىل ەكەنىن اشىق ايتتى. وسىعان دەيىن اق ءۇي اكىمشىلىگى يرانعا قارسى قارۋلى وپەراتسيا بيلىكتى اۋىستىرۋدى ەمەس، ونىڭ يادرولىق باعدارلاماسىن جويۋدى كوزدەيدى دەپ مالىمدەگەن ەدى.

 24.kz