ترامپ يرانداعى وپەراتسيانىڭ اياقتالۋى تۋرالى ايتتى

استانا. KAZINFORM – ا ق ش پرەزيدەنتى دونالد ترامپ يرانعا قارسى جۇرگىزىلىپ جاتقان اسكەري وپەراتسيانىڭ اياقتالۋ كەزەڭىنە ءوتىپ جاتقانىن مالىمدەدى، دەپ حابارلايدى Report.

- بىزدە ءبارى جاقسى ءجۇرىپ جاتىر. بۇل (اسكەري وپەراتسيا - رەد.) اياقتالۋعا جاقىنداپ قالدى، - دەدى دونالد ترامپ.

ەسكە سالا كەتەيىك، ا ق ش پەن يزرايل 28-اقپاندا يرانعا قارسى اسكەري وپەراتسيا باستاپ، ءبىرقاتار قالالارعا اۋە سوققىلارىن جاساعان. بۇعان جاۋاپ رەتىندە يران يزرايل اۋماعىنا زىمىراندار ۇشىرىپ، سونداي-اق پارسى شىعاناعى ەلدەرىندەگى امەريكالىق اسكەري بازالارعا شابۋىل جاساعان. جاعدايعا بايلانىستى ايماقتاعى ءبىرقاتار مەملەكەتتەر اۋە كەڭىستىگىن ۋاقىتشا جاپتى. سول كۇنى سوققىلار ناتيجەسىندە يراننىڭ جوعارعى كوشباسشىسى الي حامەنەي قازا تاپتى.

كەيىنىرەك ا ق ش-تىڭ يران بيلىگىنە تاياۋ شىعىستاعى قاقتىعىستى توقتاتۋ بويىنشا 15 تارماقتان تۇراتىن جوسپار جولداعانى بەلگىلى بولدى.

بۇعان دەيىن دونالد ترامپ ا ق ش-قا اسكەري قولداۋ كورسەتپەي قويعان سەرىكتەستەرىنە شۇيلىككەن بولاتىن.