ترامپ يران مەن حارك ارالىنىڭ مۇنايىن باسىپ الۋعا رۇقسات بەردى
استانا. KAZINFORM - دونالد ترامپ ا ق ش يراننىڭ مۇناي رەسۋرستارىن، سونىڭ ىشىندە حارگ ارالىن باقىلاۋعا الاتىنىن مالىمدەدى، دەپ حابارلايدى BBC.
Financial Times باسىلىمىنا بەرگەن سۇحباتىندا ترامپ يران مۇنايى مەن نەگىزگى ينفراقۇرىلىمىن باقىلاۋعا الۋدى قاراستىرىپ جاتقانىن مالىمدەدى.
اتاپ ايتقاندا، ول ا ق ش ەلدىڭ نەگىزگى مۇناي ورتالىعى حارگ ارالىن باسىپ الۋى مۇمكىن ەكەنىن ايتتى. سونداي-اق، امەريكالىق كۇشتەردىڭ بەلگىلى ءبىر ۋاقىتقا دەيىن سول جەردە بولۋى كەرەك ەكەنىن اتاپ ءوتتى.
يراننىڭ ارالداعى قورعانىس مۇمكىندىكتەرى تۋرالى سۇراققا جاۋاپ بەرە وتىرىپ، ترامپ ولاردىڭ شەكتەۋلى ەكەنىن جانە امەريكا قۇراما شتاتتارى «باقىلاۋدى وڭاي قولعا الا الاتىنىن» ايتتى.
بۇل مالىمدەمەلەر تاياۋ شىعىستاعى ا ق ش اسكەري قاتىسۋىنىڭ كۇشەيۋىمەن، ايماققا شامامەن 3500 قوسىمشا امەريكالىق اسكەر ورنالاستىرىلۋىمەن بايلانىستى بولدى.
سونىمەن قاتار، ترامپ ا ق ش پەن يران اراسىنداعى دەلدالدار ارقىلى جاناما بايلانىستار جالعاسىپ جاتقانىن جانە ونىڭ پىكىرىنشە، ءساتتى ءجۇرىپ جاتقانىن مالىمدەدى. ول جاقىن ارادا اتىستى توقتاتۋ تۋرالى كەلىسىمگە قول جەتكىزۋ مۇمكىندىگىن جوققا شىعارمادى.
بۇعان دەيىن ۆاشينگتون جاسىرىن تۇردە قۇرلىقتاعى شابۋىلعا دايىندالىپ جاتقاندىعى تۋرالى يران پارلامەنتى سپيكەرىنىڭ مالىمدەمەسىن حابارلاعان ەدىك.
