ترامپ وتباسى 499 دوللارلىق «التىن سمارتفوندى» ساتىلىمعا شىعارادى

استانا. قازاقپارات - Trump Organization كومپانياسى Trump Mobile جەلىسىنىڭ ىسكە قوسىلعانىن، سونداي-اق «التىن جالاتىلعان» T1 سمارتفونىنىڭ شىعارىلعانىن مالىمدەدى، دەپ حابارلايدى The Verge.

Trump Mobile ايىنا 47,45 دوللارعا شەكتەۋسىز ءتاريفتى ۇسىنادى. T1 سمارتفونى 499 دوللار تۇرادى. ول ا ق ش- تا وندىرىلگەن جانە بيىل ساتىلىمعا شىعادى دەلىنگەن.

- Trump Mobile ۇيالى تەلەفوندار مەن ۇيالى بايلانىس سالاسىندا توڭكەرىس جاساعىسى كەلەدى، - دەدى ا ق ش پرەزيدەنتىنىڭ ورتانشى ۇلى جانە Trump Organization ۆيتسە-پرەزيدەنتى ەريك ترامپ.

The Verge باسىلىمىنىڭ حابارلاۋىنشا، Trump Mobile باسقا وپەراتورلاردىڭ وسىعان ۇقساس ۇسىنىستارىنان قىمباتىراق. T1 سمارتفونىنىڭ تەحنيكالىق سيپاتتامالارى دا اسەرلى ەمەس كورىنەدى.

ەسكە سالا كەتەيىك، ماسك پەن ترامپتىڭ جاڭجالىنان سوڭ ولاردىڭ كومپانيالارى اكسيالارىنىڭ قۇنى قۇلدىراعانى جايلى جازعان ەدىك.