ترامپ Walmart ،Target ،Home Depot باسشىلارىمەن تاريف ماسەلەسىن تالقىلادى
استانا. KAZINFORM - دونالد ترامپ اق ۇيگە ءىرى تاريفتەردىڭ بيزنەسكە اسەرىن تالقىلاۋ ءۇشىن كەلگەن ءۇش ءىرى ساۋدا جەلىسىنىڭ باسشىلارىمەن كەزدەستى، دەپ حابارلايدى NBC News.
جيىنعا Walmart باس ديرەكتورى داگ ماكميللون، Target باس ديرەكتورى برايان كورنەلل جانە Home Depot باس ديرەكتورى تەد دەكەر قاتىستى.
كەزدەسۋدەن كەيىن ءۇش كومپانيا «پرەزيدەنت ترامپپەن جانە ونىڭ كومانداسىمەن ناتيجەلى كەزدەسۋ وتكىزدىك» دەگەن مالىمدەمە جاسادى.
بولشەك ساۋداگەرلەر ءۇشىن تاريفتەر ونسىز دا قيىن ەكونوميكالىق جاعدايدا جاڭا قاۋىپكە اينالدى. Walmart باسەكەلەستەرىنە قاراعاندا جاقسى جاعدايدا ەكەنى ايتىلدى. Walmart ا ق ش- تا ساتاتىن تاۋارلاردىڭ شامامەن ۇشتەن ەكىسى امەريكادا جاسالادى، وسىرىلەدى نەمەسە قۇراستىرىلادى.
بۇل ساتۋشى تاۋارلاردى نەگىزىنەن شەتەلدەن ساتىپ الادى. Target-تىڭ جىلدىق كىرىسى سوڭعى ءتورت جىلدا ءىس جۇزىندە بىركەلكى بولدى جانە تاريفتەر جاريالانعانعا دەيىن كومپانيا اعىمداعى قارجى جىلىندا ساتىلىم ءوسىمىن نەبارى %1 قۇرايدى دەپ بولجاعان بولاتىن.
بۇعان دەيىن جوعارى تاريفتەر ا ق ش- تا رەتسەسسياعا اكەلۋى مۇمكىن ەكەنى حابارلانعان بولاتىن.
