ترامپ تەحاستا توتەنشە جاعداي رەجيمىن ەنگىزدى

استانا. KAZINFORM - ا ق ش پرەزيدەنتى دونالد ترامپ نوسەر جاۋىن مەن گۋادالۋپە وزەنى سۋىنىڭ ارناسىنان اسۋىنا بايلانىستى سۋ تاسقىنىنان ەڭ قاتتى زارداپ شەككەن تەحاس شتاتىنىڭ كەرر وكرۋگىندە توتەنشە جاعداي رەجيمىن ەنگىزدى، دەپ حابارلايدى ت ا س س.

دونالد ترامپ توتەنشە جاعداي رەجيمىن ەنگىزۋ شۇعىل قىزمەت وكىلدەرىنە قاجەت رەسۋرستاردى جەدەل بولۋگە مۇمكىندىك بەرەتىنىن جەتكىزدى.

سوڭعى مالىمەتتەر بويىنشا، تەحاستىڭ ورتالىق بولىگىندە كەمىندە 59 ادام مەرت بولعان. تەحاس گۋبەرناتورى گرەگ ەببوتتىڭ حابارلاۋىنشا، 850 ادامدى ەۆاكۋاتسيالاۋعا مۇمكىندىك تۋدى.

ا ق ش پرەزيدەنتى سونىمەن قاتار فەدەرالدى بيلىك وكىلدەرىنىڭ سۋ تاسقىنى سالدارىمەن كۇرەسكە قولعابىس ەتىپ جاتقانىن ايتتى. سەنبى كۇنى تەحاسقا ا ق ش- تىڭ ىشكى قاۋىپسىزدىك ءمينيسترى كريستي نوەم باردى.

وسىعان دەيىن تەحاستاعى سۋ تاسقىنىنان مەرت بولعاندار سانى 51 گە جەتكەنىن جانە ولاردىڭ 15 ى بالالار ەكەنى تۋرالى جازدىق.