ترامپ تاياۋ شىعىستاعى جاعدايعا بايلانىستى G7 سامميتىنەن ەرتە كەتىپ قالدى
استانا. KAZINFORM - دونالد ترامپ تەگەران تۇرعىندارىنىڭ شۇعىل ەۆاكۋاتسياسى جونىندەگى تۆيتىنەن كوپ ۇزاماي، ونىڭ باسپا ءسوز حاتشىسى دا ءدال سونداي ادىسپەن حابارلاما تاراتىپ، پرەزيدەنتتىڭ كانادادا ءوتىپ جاتقان «ۇلكەن جەتىلىك» سامميتىنەن مەرزىمىنەن بۇرىن كەتەتىنىن مالىمدەدى.
سەبەپ رەتىندە «ءبىرقاتار ماڭىزدى ىستەرمەن اينالىسۋ قاجەتتىگى» ايتىلعان، دەپ جازدى BBC.
- تاياۋ شىعىستا بولىپ جاتقان وقيعالارعا بايلانىستى پرەزيدەنت ترامپ مەملەكەت باسشىلارىمەن كەشكى استان كەيىن بۇگىن سامميتتەن كەتەدى، - دەپ جازدى اق ءۇيدىڭ باسپا ءسوز حاتشىسى كەرولاين ليۆيتت X الەۋمەتتىك جەلىسىندە (بۇرىنعى Twitter).
G7 ءسامميتى ءوتىپ جاتقان كانادانىڭ باتىسىنداعى كاناناسكيس قالاسىندا بۇل ۋاقىتتا شامامەن كەشكى التى شاماسى بولاتىن.
بۇعان دەيىن حابارلانعانداي، ا ق ش پرەزيدەنتى دونالد ترامپ TruthSocial جەلىسىندە جاريالاعان جازباسىندا تەگەرانداعى بارلىق تۇرعىنداردى شۇعىل تۇردە ەۆاكۋاتسيالانۋعا شاقىردى.
وعان دەيىن ول يزرايل مەن يران اراسىندا بەيبىتشىلىك ورناتۋعا ۋادە بەرگەن ەدى.
