ترامپ سيرياعا سالىنعان سانكسيالاردى الىپ تاستادى

استانا. KAZINFORM - ا ق ش كوشباسشىسىنىڭ ايتۋىنشا، ول وسىنداي شەشىمدى ساۋد ارابياسىنىڭ مۇراگەر حانزاداسى مۇحاممەد بەن سالمانمەن جانە تۇركيا پرەزيدەنتى رەجەپ تايىپ ەردوعانمەن سيرياداعى جاعدايدى تالقىلاعان سوڭ قابىلدادى، دەپ حابارلايدى Euronews.

ب ا ق مالىمەتىنشە، ترامپ پارسى شىعاناعى مەن ا ق ش سامميتى وتەتىن ەر-ريادتا سيريانىڭ ۋاقىتشا پرەزيدەنتى احمەد اش-شاراامەن جەكە كەزدەسۋى مۇمكىن. كەزدەسۋ ءالى راستالعان جوق، ءبىراق اقپارات كوزدەرىنىڭ دەرەگىنشە، 45 مينۋتتىق كەلىسسوز جوسپارلانعان.

سانكتسيالاردى الىپ تاستاۋ - اش-شارانىڭ باستى باسىمدىعى. ول سيريانىڭ جاڭا ۇكىمەتى ەكونوميكالىق قىسىمدى ازايتىپ، باتىسپەن قارىم-قاتىناستى جاقسارتقىسى كەلەتىنىن كورسەتپەك.

ترامپ بۇعان دەيىن ا ق ش «سيرياعا مۇمكىندىك بەرۋ» ءۇشىن سانكسيالاردى الىپ تاستاۋدى قاراستىرىپ جاتقانىن مالىمدەگەن. داماسكىدە بۇنى «حالىقتىڭ ازاپتان قۇتىلۋ مۇمكىندىگى» رەتىندە قابىلداندى.

ساۋد ارابياسىنىڭ ءرولى

سيريا ساۋد ارابياسىنىڭ قۇراما شتاتتارمەن قارىم-قاتىناستى قالپىنا كەلتىرۋدە دەلدال رەتىندە ارەكەت ەتەتىنىن راستادى.

ديپلوماتتاردىڭ پىكىرىنشە، كوشباسشىلاردىڭ ىقتيمال كەزدەسۋىنىڭ ءساتتى بولۋى ساۋدتىقتارعا بايلانىستى بولادى.

باتىس ديپلوماتتارىنىڭ ايتۋىنشا، يوردانيا، ساۋد ارابياسى جانە تۇركيا سيرياداعى تۇراقتىلىقتى قالپىنا كەلتىرۋگە مۇددەلى.

داماسك ۇسىنىسى

Reuters اگەنتتىگى حابارلاعانداي، سيريا ا ق ش-قا كەلىسسوزدى باستاۋدى ۇسىنعان. ىقتيمال قادامدار اراسىندا داماسكىدە «ترامپ مۇناراسىنىڭ» قۇرىلىسىنا رۇقسات بەرۋ، يزرايلمەن قارىم-قاتىناستى جاقسارتۋ جانە ا ق ش-تىڭ سيريا مۇنايى مەن گازىنا قول جەتكىزۋىنە رۇقسات بەرۋ بار.

ەگەر ترامپ پەن اش-شاارانىڭ كەزدەسۋى وتسە، بۇل ا ق ش پەن سيريا اراسىنداعى قارىم-قاتىناستا وزگەرىستى كەزەڭ بولۋى مۇمكىن. دەگەنمەن، كوپ نارسە ەكى جاقتىڭ ىمىراعا كەلۋگە دايىندىعىنا بايلانىستى بولادى.

وسىعان دەيىن ۇلى بريتانيا سيريانىڭ كۇشتىك قۇرىلىمدارىنا سالىنعان سانكسيالاردى الىپ تاستاعانىن جازدىق.