ترامپ رەسەيدىڭ ساۋدا سەرىكتەستەرىنە 500 پايىز كولەمىندە باج سالماق: قازاقستانعا اسەرى بار ما؟
رەسەيدىڭ ساۋدا سەرىكتەستەرىنە ا ق ش تاراپىنان 500 پايىز كولەمىندە باج سالىعى ەنگىزىلۋى مۇمكىن دەگەن اقپارات تارادى. قازاقستاننىڭ ساۋدا جانە ينتەگراتسيا مينيسترلىگى وسى اقپاراتقا پىكىر ءبىلدىردى.
جۋىردا امەريكالىق سەناتور ليندسي گرەم سۇحباتتارىنىڭ بىرىندە ا ق ش «ۋكرايناعا كومەكتەسپەيتىن» رەسەيدىڭ ساۋدا سەرىكتەستەرىنە 500 پايىز كولەمىندە باج سالىعىن ەنگىزۋدى جوسپارلاپ وتىرعانىن ايتتى.
مينيسترلىكتىڭ Tengrinews.kz ساۋالىنا بەرگەن جاۋابىنا سۇيەنسەك، ءتيىستى ۆەدومستۆو شەت مەملەكەتتەردىڭ رەسمي تۇلعالارىنىڭ مالىمدەمەلەرىن، سونىڭ ىشىندە قازاقستاننىڭ ساۋدا-ەكونوميكالىق مۇددەسىنە اسەر ەتۋى مۇمكىن ەكونوميكالىق شارالار بويىنشا مالىمدەمەلەرىن ۇنەمى قاداعالاپ وتىرادى.
«ا ق ش ۇكىمەتى تاراپىنان قازاقستانعا قاتىستى مۇنداي شەشىم دايىندالىپ جاتقانى تۋرالى رەسمي اقپارات تۇسكەن جوق. ا ق ش-تىڭ كەدەن- تاريف ساياساتىنىڭ ماسەلەلەرى قازاقستاننىڭ ۋاكىلەتتى ورگاندارىنىڭ ەرەكشە باقىلاۋىندا. قازاقستان دۇنيەجۇزىلىك ساۋدا ۇيىمىنىڭ مۇشەسى رەتىندە كوپجاقتى كەلىسىمدەردە كوزدەلگەن قۇرالداردى، سونىڭ ىشىندە داۋلاردى رەتتەۋ جونىندەگى تەتىكتەردى پايدالانۋعا قۇقىلى. بارلىق ىقتيمال شارا ەلىمىزدىڭ حالىقارالىق مىندەتتەمەلەرى مەن ساۋدا- ەكونوميكالىق مۇددەلەرىن ەسكەرە وتىرىپ پىسىقتالادى»، - دەدى مينيسترلىك وكىلى.
ەسكە سالايىق، بۇعان دەيىن ا ق ش پرەزيدەنتى دونالد ترامپ قازاقستاننىڭ بارلىق تاۋارىنا 25 پايىز باج سالىعى سالىناتىنىن جاريالادى.
ترامپ 10 نان اسا ەلگە وسىنداي حاتتار جىبەردى. سونىڭ ىشىندە جاپونيا، وڭتۇستىك كورەيا، مالايزيا جانە تۋنيسكە 1-تامىزدان باستاپ 25 پايىز كولەمىندە باج سالىعى قولدانىلا باستايدى. وڭتۇستىك افريكا، سونداي-اق، بوسنيا مەن گەرتسەگوۆينا ءۇشىن باج 30 پايىز، سەربيا مەن بانگلادەش ءۇشىن 35 پايىز، يندونەزيا ءۇشىن 32 پايىز، لاوس پەن ميانما ءۇشىن 40 پايىز دەڭگەيىندە بەلگىلەنەدى.
كەيىنىرەك مينيسترلىك مالىمدەمە جاسادى.
