ترامپ رەسەي مەن ۋكراينا كەلىسسوزى كەزىندە ىستانبۇلعا بارۋى مۇمكىن ەكەنىن ايتتى
استانا. KAZINFORM - ا ق ش پرەزيدەنتى دونالد ترامپ جۋرناليستەرگە 15-مامىر، بەيسەنبىدە رەسەي مەن ۋكراينانىڭ كەلىسسوزى كەزىندە ىستانبۇلعا بارۋ مۇمكىندىگىن قاراستىرىپ جاتقانىن ايتتى.
- مەن ۇشىپ كەتۋ كەرەك پە دەپ ويلادىم. بەيسەنبىدە قايدا بولاتىنىمدى بىلمەيمىن. مەنىڭ كەزدەسۋلەرىم وتە كوپ، ءبىراق مەن شىنىمەن دە (ىستانبۇلعا) بارۋ مۇمكىندىگىن قاراستىردىم، - دەپ كەلتىرەدى ترامپتىڭ ءسوزىن Reuters اگەنتتىگى.
الداعى كۇندەرى ا ق ش پرەزيدەنتىنىڭ ساۋد ارابياسىنا، ب ا ءا مەن قاتارعا ساپارى جوسپارلانعان.
ۋكرايناداعى قاقتىعىسقا بايلانىستى حالىقارالىق ديپلوماتيادا تاريحي بەتبۇرىس بولۋى مۇمكىن.
رەسەي مەن تۇركيا پرەزيدەنتتەرى - ۆلاديمير پۋتين مەن رەجەپ تايىپ ەردوعان تەلەفون ارقىلى كەلىسسوز جۇرگىزدى. ونىڭ بارىسىندا ماسكەۋ وسى جىلدىڭ 15-مامىرىنان باستاپ ىستانبۇلدا كيەۆپەن تىكەلەي كەلىسسوزدەردى قايتا باستاۋدى ۇسىندى.
انكارا بۇل ۇسىنىسقا جەدەل جاۋاپ بەردى. تۇركيانىڭ TRT Haber تەلەارناسىنىڭ حابارلاۋىنشا، ەردوعان كەلىسسوزدەر الاڭىن قايتا ۇسىنۋعا دايىن ەكەنىن راستادى. تۇركيا پرەزيدەنتى «بەيبىتشىلىككە قول جەتكىزۋ ءۇشىن مۇمكىندىكتەر تەرەزەسى اشىق» دەدى جانە «اتىستى جان- جاقتى توقتاتۋ كەلىسسوزدەر جۇرگىزۋگە جاعداي جاسايدى» دەپ مالىمدەدى.
الايدا رەسەي س ءى م - ءنىڭ رەسمي مالىمدەمەسىندە بۇل اسپەكت - اتىستى توقتاتۋ تۋرالى ايتىلماعان. وسىعان قاراماستان ەردوعان پۋتينمەن اڭگىمەلەسۋ قارساڭىندا كيەۆكە كەلگەن فرانسيا پرەزيدەنتى ەممانۋەل ماكرونمەن سويلەستى. ونىڭ ايتۋىنشا، تۇركيا بەيبىتشىلىككە قول جەتكىزۋگە، سونىڭ ىشىندە ديالوگتى ۇيىمداستىرۋعا جانە سوعىس قيمىلدارىن توقتاتۋعا جاردەمدەسۋگە ۇلەس قوسۋعا دايىن.
ايتا كەتەيىك، 5- مامىردا ا ق ش پرەزيدەنتى دونالد ترامپ تۇركيا پرەزيدەنتى رەجەپ تايىپ ەردوعانمەن تەلەفون ارقىلى سويلەسىپ، الەۋمەتتىك جەلىدەگى پاراقشاسىندا ۋكراينادا بەيبىتشىلىك ورناتۋ پروتسەسىندە بىرلەسىپ جۇمىس ىستەۋدى اسىعا كۇتەتىنىن جازدى.
