ترامپ: رەسەي مەن ۋكراينا 8-تامىزعا دەيىن بەيبىت كەلىسىمگە كەلۋى ءتيىس
استانا. KAZINFORM - ا ق ش پرەزيدەنتى دونالد ترامپ رەسەي مەن ۋكراينانىڭ 8-تامىزعا دەيىن بەيبىت كەلىسىمگە كەلۋى ءتيىس دەپ سانايدى. بۇل تۋرالى ب ۇ ۇ جانىنداعى ا ق ش-تىڭ ۋاقىتشا وكىلى دجون كەللي قاۋىپسىزدىك كەڭەسىنىڭ ۋكرايناعا ارنالعان وتىرىسىندا مالىمدەدى، دەپ جازادى ت ا س س.
- رەسەي مەن ۋكراينا اتىستى توقتاتۋ جانە ۇزاقمەرزىمدى بەيبىتشىلىك ورناتۋ جونىندە كەلىسىمگە كەلۋى كەرەك. كەلىسىم جاسايتىن ۋاقىت كەلدى. پرەزيدەنت ترامپ بۇل كەلىسىم 8-تامىزعا دەيىن جۇزەگە اسۋى ءتيىس ەكەنىن انىق ءبىلدىردى، - دەدى ول.
كەلليدىڭ ايتۋىنشا، «ا ق ش بەيبىتشىلىكتى قامتاماسىز ەتۋ ءۇشىن قوسىمشا شارالار قولدانۋعا دايىن».
بۇعان دەيىن دونالد ترامپ رەسەي مەن ۋكراينا اراسىنداعى كەلىسىمگە 50 كۇندىك مەرزىم بەلگىلەگەنىن، ەگەر ۋاعدالاستىققا قول جەتكىزىلمەسە، ماسكەۋگە جانە ونىڭ ساۋدا ارىپتەستەرىنە 100 پايىزدىق ساۋدا باجدارىن ەنگىزەتىنىن ايتقان بولاتىن.
دۇيسەنبى كۇنى ول رەسەي مەن بەيبىت پروتسەستەگى ىلگەرىلەۋشىلىككە كوڭىلى تولمايتىنىن ايتىپ، بۇل مەرزىمدى 10-12 كۇنگە دەيىن قىسقارتاتىنىن مالىمدەدى.
رەسەي پرەزيدەنتىنىڭ باسپا ءسوز حاتشىسى دميتري پەسكوۆ اق ءۇي باسشىسىنىڭ مالىمدەمەسىمەن تانىسقانىن جانە كرەمل ونى نازارعا العانىن حابارلادى.
