ترامپ قاتاردا قانداي كەلىسىمدەر جاسادى
استانا. KAZINFORM - بىرلەسكەن مالىمدەمە بارىسىندا قاتار ءامىرى تاميم يبن حاماد ءال تاني وتكەن كەلىسسوزدى ءماندى دەپ اتاپ، تاراپتار كوپتەگەن ماسەلەنى، سونىڭ ىشىندە تاياۋ شىعىستاعى جاعدايدى تالقىلاي العانىن ايتتى، دەپ حابارلايدى BBC.
ءامىر قاتار مەن ا ق ش اراسىنداعى قارىم-قاتىناس ەندى جاڭا دەڭگەيگە شىعادى دەگەن ءۇمىتىن ءبىلدىردى.
دونالد ترامپ ءوز كەزەگىندە «بۇل ءبىر- ەكى ساعات ۋاقىت قىزىق وتكەنىن» جانە اڭگىمەلەسۋشىلەر «بۇكىل الەمدى، سونىڭ ىشىندە رەسەي، ۋكراينا جانە يراندى تالقىلاعانىن» مالىمدەدى.
ترامپتىڭ قاتار بيلىگىمەن كەزدەسۋى ونىڭ سەيسەنبىدە ءبىر جارىم كۇن وتكىزگەن ساۋد ارابياسىنا ساپارىمەن سالىستىرعاندا الدەقايدا قىسقا بولدى.
دونالد ترامپتىڭ تاياۋ شىعىسقا ساپارىنىڭ ءبىرىنشى كۇنىندە اقش پەن ساۋد ارابياسى قورعانىس سالاسىندا 142 ميلليارد دوللارلىق كەلىسىمگە قول قويدى. ا ق ش پەن قاتار قول قويعان قۇجاتتاردىڭ ىشىندە قورعانىس سالاسىنداعى ءوزارا تۇسىنىستىك تۋرالى كەلىسىم مەن ەكى ەل اراسىنداعى ىنتىماقتاستىق تۋرالى دەكلاراتسيا بار.
سونىمەن قاتار، امەريكالىق تاراپ Qatar Airways قۇنى 200 ميلليارد دوللاردان اساتىن 160 Boeing ۇشاعىنا «رەكوردتىق» تاپسىرىس جانە ۇشقىشسىز باسقارىلاتىن MQ-9B ۇشاقتارىنا تاپسىرىس بەرگەنىن حابارلادى.
قۇجاتتارعا قول قويۋ راسىمىنە سونداي- اق ا ق ش قورعانىس ءمينيسترى پيت حەگسەت، قارجى ءمينيسترى سكوتت بەسسەنت، ساۋدا ءمينيسترى گوۆارد ليۋتنيك جانە اق ءۇيدىڭ باسپا ءسوز حاتشىسى كارولين ليەۆيتت قاتىستى.
اق ءۇيدىڭ قاتاردا كەلىسسوز وتكەن كۇنىنىڭ قورىتىندىلارى بويىنشا جاريالانعان باسپا ءسوز حابارلاماسىندا قول قويىلعان كەلىسىمدەر ەلدەر اراسىنداعى ەكونوميكالىق الماسۋ كەمىندە 1,2 تريلليون دوللاردى قۇرايتىنىن، جاساسقان مامىلەلەر كولەمى 243 ميلليارد دوللاردان اساتىنى ايتىلعان.
بۇعان دەيىن ترامپ ەر- ريادتا سيريا پرەزيدەنتىمەن كەزدەستى.
اق ءۇي قاتار كورولدىك وتباسىمەن Boeing 747 ليۋكس ۇشاعىن پرەزيدەنتتىك بورت (Air Force One) رەتىندە پايدالانۋ ءۇشىن ا ق ش- قا بەرۋ تۋرالى كەلىسسوز جۇرگىزدى.
