ترامپ: Paramount حارريسپەن سۇحباتتاسۋ ءۇشىن 16 ميلليون دوللار تولەدى

استانا. KAZINFORM – ا ق ش پرەزيدەنتى دونالد ترامپ CBS News ارناسىنا يەلىك ەتەتىن Paramount Global مەدياحولدينگى كامالا حارريسپەن سۇحباتقا قاتىستى سوت ءىسىن رەتتەۋ اياسىندا 16 ميلليون دوللار تولەگەنىن مالىمدەدى، دەپ حابارلايدى The Washington Times.

- ءبىز جاڭا عانا «60 مينۋت»، CBS جانە Paramount-قا قارسى تاريحي سوت پروتسەسىندە ۇلكەن، ماڭىزدى جەڭىسكە قول جەتكىزدىك، - دەپ جازدى اق ءۇي باسشىسى Truth Social-دا.

- بۇل جالعان جاڭالىقتار تاراتاتىن ب ا ق- قا قارسى تاعى ءبىر جەڭىس، ءبىز ولاردى كەڭ تارالعان الاياقتىق پەن الداۋ ءۇشىن جاۋاپقا تارتامىز، - دەپ قوستى ول.

ترامپ سونىمەن قاتار Paramount-تىڭ SkyDance مەدياحولدينگىمەن جوسپارلانىپ وتىرعان بىرىگۋىنە سىلتەمە جاساي وتىرىپ جارناما ەسەبىنەن «جاڭا يەلەرىنەن» تاعى 20 ميلليون دوللار الادى دەپ كۇتەتىنىن حابارلادى.

دونالد ترامپ وتكەن جىلدىڭ سوڭىندا دەموكراتيالىق پارتيادان پرەزيدەنتتىككە كانديدات كامالا حارريسپەن قازان ايىندا سۇحبات بەرگەننەن كەيىن «60 مينۋت» باعدارلاماسى ەفيرگە يزرايل مەن حاماس تۋرالى ءبىر سۇراققا ءارتۇرلى جاۋاپتار بەرگەن سۇحباتتىڭ ەكى نۇسقاسىن جاريالادى دەپ ايىپتاپ، CBS News ءتى سوتقا بەردى. ترامپ مۇنى سايلاۋعا ارالاسۋ ماقساتىندا كورەرمەندەردى جاڭىلىستىرۋ دەپ ءتۇسىنىپ، 20 ميلليون دوللار تالاپ ەتتى.

اقشا ترامپتىڭ بولاشاق پرەزيدەنتتىك كىتاپحاناسىنا جانە ونىڭ سوت شىعىندارىن وتەۋگە جۇمسالادى.