ترامپ مىسقا 50 پايىز باج سالىعىن ەنگىزبەكشى
استانا. KAZINFORM - پرەزيدەنت دونالد ترامپ ا ق ش- قا يمپورتتالاتىن مىسقا 50 پايىزدىق باج سالىعىن سالۋ جوسپارى بار ەكەنىن ءمالىم ەتتى، دەپ حابارلايدى CNN.
الايدا ونىڭ قاشان كۇشىنە ەنەتىنى بەلگىسىز.
اقپان ايىندا ترامپ پرەزيدەنتكە ۇلتتىق قاۋىپسىزدىككە بايلانىستى جوعارى تاريفتەر ەنگىزۋگە مۇمكىندىك بەرەتىن زاڭدى نەگىزگە الا وتىرىپ، مىس يمپورتىنا قاتىستى تەكسەرۋ جۇرگىزۋدى بۇيىردى.
مىس - ەلەكترونيكا، تەحنيكا جانە اۆتوكولىك وندىرۋگە قاجەتتى نەگىزگى كومپونەنت سانالادى. باج سالىعىنىڭ كوتەرىلۋى بۇل تاۋارلاردى امەريكالىق تۇتىنۋشىلار ءۇشىن قىمباتتاتىپ جىبەرۋى مۇمكىن.
ساۋدا مينيسترلىگىنىڭ مالىمەتىنشە، وتكەن جىلى ا ق ش- قا مىس يمپورتىنىڭ كولەمى 17 ميلليارد دوللاردى قۇرادى.
ترامپتىڭ مالىمدەمەسىنەن كەيىن مىس باعاسى رەكوردتىق كورسەتكىشكە دەيىن ءوستى. نيۋ-يوركتە فيۋچەرستەر 15 پايىزعا ءوسىپ، ءبىر فۋنتى $5,68 قۇرادى.
ترامپ سونىمەن قاتار سەيسەنبى كۇنى فارماتسيەۆتيكالىق پرەپاراتتارعا دەگەن 200 پايىزدىق سالىق جۋىق ارادا ەنگىزىلەتىنىن ءمالىم ەتتى. الايدا كوپتەگەن كومپانيالاردىڭ ا ق ش- قا كەلۋى ءۇشىن ول سالىقتى ەنگىزۋ كەيىنگە قالدىرىلۋى مۇمكىن.
ءساۋىر ايىندا اكىمشىلىك فارماتسيەۆتيكالىق پرەپاراتتار يمپورتىنا تەكسەرۋدى باستاعان ەدى.
پرەزيدەنت ا ق ش- قا وزگە ەلدەردىڭ جەتكىزىلىمىنە تاۋەلدى بولماۋ ءۇشىن مەديتسينالىق پرەپاراتتاردىڭ ىشكى ءوندىرىسىن جانداندىرۋ كەرەك ەكەنىن ايتتى.
كەيبىر فارماتسيەۆتيكالىق كومپانيالار وزدەرىنىڭ ا ق ش- تاعى وندىرىستەرىن كەڭەيتەنتىندەرىن ءمالىم ەتتى، الايدا ولاردىڭ كەيبىرىنىڭ جوبالارى ترامپتىڭ ءوز لاۋازىمىنا كىرىسەردەن بۇرىن-اق دايىندىق ۇستىندە بولاتىن.
وسىعان دەيىن ترامپتىڭ ساۋدا تاريفتەرىنىڭ كۇشىنە ەنۋ مەرزىمىن ۇزارتقانى تۋرالى حابارلادىق.
