ترامپ ۇلتتىق قاۋىپسىزدىك كەڭەسىنىڭ وتىرىسىن وتكىزۋدى بۇيىردى - باسپا ءسوز
استانا. KAZINFORM - ا ق ش پرەزيدەنتى دونالد ترامپ كاناداداعى «ۇلكەن جەتىلىك» سامميتىنەن ۆاشينگتونعا ەرتە ورالۋدى ۇيعارىپ، اق ۇيدە ۇلتتىق قاۋىپسىزدىك كەڭەسىنىڭ وتىرىسىن وتكىزۋگە بۇيرىق بەردى، دەپ حابارلادى BBC.
ترامپتىڭ اق ۇيدەگى جاعداي كابينەتىندە ۇلتتىق قاۋىپسىزدىك كەڭەسىن شۇعىل شاقىرۋ تۋرالى شەشىمى تۋرالى ءبىرىنشى بولىپ Fox News ءتىلشىسى X جەلىسىندە حابارلادى. كوپ ۇزاماي CNN تەلەكومپانياسى ءدال وسىنداي اقپاراتتى ترامپ اكىمشىلىگىندەگى انونيمدى اڭگىمەلەسۋشىدەن الدى.
CNN ونىڭ دەرەككوزى ترامپتىڭ كەڭەستىڭ تەز ارادا نەمەسە كانادادان ورالعان سوڭ جينالۋىن قالايتىنىن ناقتىلاماعانىن قوسىپ ءوتتى.
ۇلتتىق قاۋىپسىزدىك كەڭەسىنىڭ قۇرامىنا ا ق ش- تىڭ جوعارى لاۋازىمدى تۇلعالارى، سونىڭ ىشىندە مەملەكەتتىك حاتشى، قورعانىس ءمينيسترى جانە ۇلتتىق بارلاۋ ديرەكتورى كىرەدى.
«G7» سامميتى ءوتىپ جاتقان كاناناسكيس قالاسىندا جۇرگەن بي- بي- سي ءتىلشىسى ەنتوني زۋركەر اتاپ وتكەندەي، ترامپ ۇشىپ كەتەر الدىندا جەتى ەلدىڭ مەملەكەت باسشىلارىنا ارنالعان كەشكى اسقا قاتىسۋدى جوسپارلاعان، ال ەكىنشى جاعىنان، پرەزيدەنت ۇشاعى بورتىندا اق ۇيدەگى كەزدەسۋگە قاتىسۋ ءۇشىن بارلىق قاجەتتى بايلانىس قۇرالدارى بار.
اق ءۇيدىڭ باسپا ءسوز حاتشىسى ترامپتىڭ تاياۋ شىعىستاعى وقيعالارعا بايلانىستى «جەتىلىك» سامميتىنەن مەرزىمىنەن بۇرىن كەتەتىنىن جاريالادى.
ەسكە سالا كەتسەك، ترامپ بۇعان دەيىن يزرايل مەن يران اراسىندا بەيبىتشىلىك ورناتۋعا ۋادە بەردى.
