ترامپ جەڭىسىنەن كەيىن بيتكوين باعامى 40 ميلليون تەڭگەگە شارىقتادى

استانا. قازاقپارات - تاريحتا العاش رەت بيتكوين قۇنى 40 ميلليون تەڭگەدەن استى. ونىڭ ءوسۋى ا ق ش پرەزيدەنتى سايلانعاننان بەرى جالعاسىپ كەلەدى، - دەپ حابارلايدى ماسساگەت.

Google كومپانياسىنا تيەسىلى قارجىلىق اقپارات پروۆايدەرىنىڭ گرافيگىنە سۇيەنسەك، 11-قاراشادا بيتكوين باعامى 40648114 تەڭگەنى ەڭسەردى. ءبىر كۇندە ونىڭ قۇنى 1,99 پايىزعا، ال ءبىر ايدا - 39,03 پايىزعا وسكەن.

بيتكوين باعامىنىڭ كۇرت ءوسۋى 5 قاراشادا، ا ق ش-تاعى سايلاۋ قورىتىندىسىنان كەيىن باستالدى. وعان دەيىن سيفرلىق ۆاليۋتا باعامى 33 ميلليون تەڭگەنى قۇراعان ەدى. بۇل نارىقتىڭ اۋىتقۋىن باقىلايتىن ينۆەستورلار مەن ساراپشىلاردىڭ نازارىن اۋداردى. ساراپشىلار باعانىڭ ءوسۋىن دونالد ترامپتىڭ ا ق ش سايلاۋىنداعى جەڭىسىمەن بايلانىستىردى. ويتكەنى ترامپ ءوزىنىڭ سايلاۋ ناۋقانىندا سيفرلىق اكتيۆتەر يندۋسترياسىن قولدايتىنىن مالىمدەگەن ەدى.

بۇعان دەيىن ترامپ جەڭىسىنەن كەيىن دوللاردىڭ رەكورد دەڭگەيدە وسكەنىن جازعان ەدىك. امەريكاندىق ۆاليۋتانىڭ بۇلاي ءوسۋى سوڭعى رەت 2016 -جىلى بايقالعان.

دوللاردىڭ قارقىنى بۇنىمەن توقتاي قويمايتىنىن قازاقستاندىق ساراپشىلاردا اتاپ ءوتتى. ولار دوللار قۇنىنىڭ 507 تەڭگەگە ءوسۋى مۇمكىن ەكەنىن جەتكىزدى.