ترامپ جاڭا ساۋدا كەلىسىمى جاسالعانىن مالىمدەدى
استانا. KAZINFORM - وسىعان دەيىن ا ق ش پرەزيدەنتى ا ق ش-تىڭ العاشقى ساۋدا كەلىسىم تۋرالى دوعال كابينەتتە وتەتىن باسپا ءسوز ءماسليحاتىندا حابارلايتىنىن مالىمدەگەن بولاتىن.
- بۇل قۇراما شتاتتار مەن بىرىككەن كورولدىك ءۇشىن ەرەكشە تولعاندىراتىن كۇن بولۋى كەرەك. دوعال كابينەتتەگى باسپا ءسوز ءماسليحاتى تاڭعى ساعات وندا بولادى. راحمەت!، - دەپ جازدى دونالد ترامپ Truth Social الەۋمەتتىك جەلىسىندە ءبىرىنشى كەلىسىمنىڭ ۇلى بريتانيامەن جاسالعانىن مەڭزەي وتىرىپ.
كەشىرەك ول بىرىككەن كورولدىكپەن جاسالعان كەلىسىم تولىق ءارى بارلىق سالانى قامتيتىتىن جەتكىزدى.
- بىرىككەن كورولدىكپەن جاسالعان كەلىسىم، تولىق ءارى بارلىق سالانى قامتيدى. ول قۇراما شتاتتار مەن بىرىككەن كورولدىكتىڭ قارىم-قاتىناسىنىڭ الداعى كوپتەگەن جىلدار بويى جاقىن بولۋىنا ىقپال ەتەدى. ءبىزدىڭ ۇزاق جىلدارعى تاريحىمىز بەن ءبىر-بىرىمىزگە دەگەن سەنىم ءۇشىن بىرىككەن كورولدىكتىڭ بىزبەن العاشقى كەلىسىم جاساۋشى بولعانى ۇلكەن مارتەبە. بۇدان كەيىن دە تالاي كەلىسىمدەر جاسالادى. ولاردىڭ كوپشىلىگى قازىر پىسىقتالۋ ۇستىندە، - دەپ جازدى ترامپ Truth Social جەلىسىندە.
ترامپ وسىعان دەيىن ا ق ش- تىڭ حۋسيتتەرگە شابۋىلدى توقتاتاتىنىن مالىمدەگەن بولاتىن.
