ترامپ حارريسپەن پىكىرتالاس وتكىزۋگە دايىن

استانا. KAZINFORM - ا ق ش-تىڭ بۇرىنعى پرەزيدەنتى دونالد ترامپ ۆيتسە-پرەزيدەنت كامالا حارريسپەن دەبات وتكىزۋگە دايىن ەكەنىن مالىمدەدى، دەپ جازادى Politico.

جۋرناليستەرمەن تەلەفون كونفەرەنسياسى كەزىندە د. ترامپ ۆيتسە- پرەزيدەنت ك. حارريسپەن پىكىرتالاس وتكىزەتىنىن ايتتى. ول دەباتتىڭ ABC News ارناسى نەمەسە باسقا پلاتفورمادا وتەتىنىنە قاراماستان، «بىرنەشە پىكىرتالاس وتكىزۋگە دايىن» ەكەنىن مالىمدەدى.

د. ترامپ سونىمەن قاتار «ABC News-كە كوڭىلى تولمايتىنىن» ءبىلدىردى، ونىڭ پىكىرىنشە، بۇل ارنا پرەزيدەنت دجو بايدەن مەن ك. حارريستىڭ مۇددەسىن قولدايدى. بۇعان دەيىن د. ترامپ پىكىرسايىستى نەعۇرلىم كونسەرۆاتيۆتى Fox News-تە وتكىزۋدى تالاپ ەتكەن.

ەستەرىڭىزگە سالا كەتەيىك، د. ترامپ پەن دج. بايدەن مامىر ايىندا ەكى پىكىرسايىس وتكىزۋگە كەلىستى - 27-ماۋسىمدا CNN ارناسىندا جانە 10-قىركۇيەكتە ABC News تەلەارناسىندا. دج. بايدەننىڭ ماۋسىمداعى پىكىرسايىستاعى ونەرى ونىڭ ا ق ش پرەزيدەنتتىگىنە كانديداتۋراسىن دەموكراتيالىق پارتيادان الىپ تاستاۋعا جانە ەستافەتانى ك. حارريسكە بەرۋىنە اكەپ سوقتى.

الايدا، كانديداتتى تاڭداۋ تۋرالى سوڭعى شەشىم 19-22-تامىز ارالىعىندا چيكاگودا وتەتىن دەموكراتيالىق پارتيانىڭ سەزىندە قابىلدانادى.

سەيسەنبى كۇنى ترامپتىڭ سايلاۋالدى شتابى الەۋمەتتانۋشى توني فابريتسيونىڭ ك. حارريستىڭ رەيتينگى جوعارىلاپ، ول د. ترامپپەن سالىستىرعاندا ۋاقىتشا العا جىلجىعانى تۋرالى جازباسىن جاريالادى.

اۆتور
ەركەجان سماعۇلوۆا