ترامپ برازيلياعا 50 پايىزدىق باج سالىعىن ەنگىزدى
استانا. KAZINFORM – ا ق ش پرەزيدەنتى دونالد ترامپ سارسەنبى كۇنى برازيليا تاۋارلارىنا 50 پايىزدىق تاريف ەنگىزۋ جوسپارى تۋرالى ءمالىم ەتتى. بۇل نەگىزىنەن ەلدىڭ بۇرىنعى پرەزيدەنتى، ونىڭ ساياسي وداقتاسى جاير بولسونارۋعا دەگەن قارىم-قاستىناسپەن بايلانىستى بولىپ وتىر، دەپ حابارلايدى NBC News.
الەۋمەتتىك جەلىدەگى Truth Social پاراقشاسىندا ترامپ لۋلا دەگەن اتپەن تانىمال قازىرگى پرەزيدەنت لۋيس يناسيو لۋلا دا سيلۆاعا جازعان حاتىندا برازيليانىڭ وعان دەگەن كوزقاراسى حالىقارالىق دەڭگەيدە ماسقارا ەكەنىن ايتتى. - «بۇل سوت بولماۋى كەرەك» - دەدى.
لۋلا ءوزىنىڭ جاۋابىندا باج سالىعىن كوتەرۋ ارەكەتى برازيليا زاڭدارىنا سايكەس، ەكونوميكالىق ءوزارا مۇددە تۇرعىسىنان قارالاتىنىن جەتكىزدى.
لۋلا سونىمەن بىرگە ا ق ش- تىڭ بولسونارۋ سوتىنا ارالاسۋىنا قارسى شىقتى.
- برازيليا - تاۋەلسىز ينستيتۋتتارى بار دەربەس مەملەكەت جانە ول قامقورلىقتىڭ ەشقانداي ءتۇرىن قولدامايدى، - دەپ جازدى لۋلا.
- مەملەكەتتىك توڭكەرىستى جوسپارلاۋعا جاۋاپتى ادامداردى سوتقا تارتۋ برازيليانىڭ سوت بيلىگىنىڭ ايرىقشا قۇزىرەتىنە جاتادى جانە ۇلتتىق ينستيتۋتتاردىڭ تاۋەلسىزدىگىنە قاۋىپ ءتوندىرۋى مۇمكىن كەز كەلگەن ارالاسۋعا نەمەسە قاۋىپ-قاتەرگە جول بەرىلمەيدى.
برازياليا پروكۋرورلارى بولسونارۋدىڭ سوڭعى سايلاۋدا جەڭىسكە جەتكەن ءىس باسىنداعى پرەزيدەنتتى ءولتىرۋدى كوزدەگەن قىلمىستىق ىسكە قاتىسقانىن ايتىپ وتىر. بولسونارۋ بولسا مۇنداي ايىپتى موينداۋدان باس تارتىپ وتىر.
اق ۇيدەن حات العان باسقا ەلدەر سياقتى، ترامپ برازيليانى دا تاريفپەن قورقىتتى.
ا ق ش- تىڭ حالىقارالىق ساۋدا كوميسسياسىنىڭ مالىمەتى بويىنشا، برازيليا وتكەن جىلى امەريكا قۇراما شتاتتارىنا 42 ميلليارد دوللاردان استام تاۋار اكەلىپ، 18- ءىرى يمپورتتاۋشى بولدى.
50 پايىز - بۇل ترامپ ءوزىنىڭ الەۋمەتتىك مەديا پلاتفورمالارىندا جاريالاعانداي، وسى اپتادا كەز كەلگەن ەلگە ەنگىزگەن ەڭ جوعارى تاريف.
ترامپ «بوستاندىق كۇنى» دەپ اتاعان 2-ءساۋىر كۇنى برازيلياعا تەك %10 تاريف ەنگىزۋدى جوسپارلاعانىن ايتقان.
بۇدان بۇرىن حابارلانعانداي، 7-شىلدەدە برازيليادا بريكس ءسامميتى اياقتالىپ، ترامپ بريكس ساياساتىن قولدايتىن ەلدەرگە قوسىمشا 10 پايىزدىق ساۋدا تاريفتەرىن ەنگىزۋ تۋرالى ەسكەرتكەن.
وسىعان دەيىن ترامپتىڭ ب ر ي ك س- ءتى قولدايتىن ەلدەرگە قوسىمشا باج سالىعىن جاريالاعانى تۋررالى جازدىق.
