ترامپ باج سالىعى جايلى حات جولدادى: مينيسترلىك مالىمدەمە جاسادى
استانا. KAZINFORM - ساۋدا جانە ينتەگراتسيا مينيسترلىگى ا ق ش ەنگىزگەلى وتىرعان جاڭا باج سالىعىنا قاتىستى مالىمدەمە جاسادى.
ۆەدومستۆو مالىمەتىنشە، 7-شىلدەدە ا ق ش پرەزيدەنتىنەن 1-تامىزدان باستاپ جاڭا يمپورتتىق باج ەنگىزىلەتىنى تۋرالى رەسمي حابارلاما تۇسكەن.
«قازاقستاننان ا ق ش- قا ەكسپورتتالاتىن ونىمدەر ءۇشىن جەتكىزىلەتىن تاۋاردىڭ بارلىق كولەمىنە 25 پايىز ءبىرىڭعاي مولشەرلەمە بەلگىلەنگەن. الايدا قازاقستاندىق ەكسپورتتىڭ باسىم بولىگى - مۇناي، ۋران، كۇمىس، فەرروقورىتپا، تانتال جانە تيتان سياقتى نەگىزگى شيكىزات پەن ستراتەگيالىق تاۋارلار. ولار باج سالىعىنسىز جەتكىزىلۋىن جالعاستىرا بەرەدى. قابىلدانعان شارالار قازاقستان ەكسپورتىنىڭ شامامەن 95 پايىزىنا اسەر ەتپەيدى دەپ جوسپارلانىپ وتىر»، - دەپ جازىلعان حابارلامادا.
سونىمەن قاتار، قازاقستاندىق تاۋارلارعا ساۋدا رەجيمىن ساقتاۋ ماقساتىندا ق ر ۇكىمەتى ا ق ش اكىمشىلىگىنە ءوزارا ساۋدا شارتتارىن جاقسارتۋ جونىندەگى ناقتى شارالار مەن باستامالاردى جولداعان.
«قازاقستاننىڭ ماقساتى - نارىققا قول جەتكىزۋ جانە ساۋدا شارتتارى ماسەلەلەرى بويىنشا كەلىسىلگەن شەشىمدەر قابىلداۋ. قازىر امەريكا تارابى قازاقستان ۇسىنىستارىن قاراستىرىپ جاتىر جانە كەلىسسوزدەردى وتكىزەتىن كۇندى حابارلايدى. قازاقستان ۇلتتىق مۇددەلەرىن قورعاۋ جانە تۇراقتى ساۋدا- ەكونوميكالىق ارىپتەستىكتى دامىتۋ ماقساتىندا امەريكا تاراپىمەن ودان ءارى كەلىسسوزدەر جۇرگىزۋگە دايىن»، - دەپ جازىلعان حابارلامادا.
مينيسترلىك مالىمەتىنشە، قازاقستان مەن ا ق ش اراسىنداعى تاۋار اينالىمى 2024-جىلى 4,2 ميلليارد ا ق ش دوللارى بولعان، بۇل ونىڭ الدىڭعى جىلمەن سالىستىرعاندا 4 پايىزعا جوعارى (4,1 ميلليارد ا ق ش). قازاقستاننان ا ق ش- قا ەكسپورتتىڭ نەگىزى مىناداي: شيكى مۇناي - 1,1 ميلليارد ا ق ش دوللارى (ۇلەسى 56,2 پايىز)، ۋران - 322,9 ميلليون اقش دوللارى (16,4 پايىز)، كۇمىس - 239,9 ميلليون ا ق ش دوللارى (12,2 پايىز)، فەرروقورىتپالار - 188,2 ميلليون ا ق ش دوللارى (9,5 پايىز)، تانتال جانە ودان جاسالعان بۇيىمدار - 17,6 ميلليون ا ق ش دوللارى (0,89 پايىز) جانە باسقالارى. قازاقستان مەن ا ق ش اراسىنداعى تاۋار اينالىمى 2025-جىلعى قاڭتار-مامىردا 1265,8 ميلليون ا ق ش دوللارىنا جەتكەن. 2025-جىلعى قاڭتار-مامىردا قازاقستاننان ا ق ش- قا ەكسپورت كولەمى 418,2 ميلليون ا ق ش دوللارى بولدى.
بۇعان دەيىن نە بەلگىلى؟
ەسكە سالايىق، بۇعان دەيىن ا ق ش پرەزيدەنتى دونالد ترامپ شەتەلدەن اكەلىنەتىن بارلىق تاۋارعا باج سالىعى ەنگىزىلەتىنىن جاريالادى. ماسەلەن ە و ەلدەرىنەن كەلەتىن تاۋارعا 20 پايىز، شۆەيتساريا ءۇشىن 31 پايىز ، ۇلى بريتانيا ءۇشىن 10 پايىز، يزرايل ءۇشىن 17 پايىز، قازاقستان ءۇشىن 27 پايىز بولادى دەلىندى.
ەڭ جوعارى تولەم ۆەتنامعا (46 پايىز)، كامبودجاعا (49 پايىز)، لاوسقا (48 پايىز) جۇكتەلگەن ەدى.
كەيىنىرەك قازاقستاننىڭ ساۋدا مينيسترلىگى وسى جاعدايعا پىكىر ءبىلدىردى.
ءبىراز ۋاقىتتان كەيىن ا ق ش پرەزيدەنتى دونالد ترامپ قىتايدى قوسپاعاندا، الەم ەلدەرىنىڭ تاۋارلارىنا بۇعان دەيىن جاريالاعان باج سالىعىن 90 كۇنگە توقتاتتى.
