ترامپ پارتيا قۇرعىسى كەلگەن يلون ماسكقا جاۋاپ بەردى

استانا. KAZINFORM - ا ق ش پرەزيدەنتى دونالد ترامپ جاڭا پارتيا قۇراتىنىن جاريالاعان ءوزىنىڭ بۇرىنعى وداقتاسى يلون ماسكتىڭ «جىندى بولىپ كەتكەنىن» ايتتى.

- يلون ماسكتىڭ ەسىنەن ايىرىلعانىن كورۋ مەنى قىنجىلتادى [.. .] ول ءتىپتى امەريكا قۇراما شتاتتارىندا ەشقاشان تابىسقا جەتە الماعانىنا قاراماستان ءۇشىنشى پارتيا قۇرعىسى كەلەدى - جۇيە ولارعا ارنالماعان سياقتى، - دەپ جازدى ترامپ ءوزىنىڭ Truth Social الەۋمەتتىك جەلىسىندە.

ايتا كەتەيىك، ماسك «امەريكا» اتتى جاڭا ساياسي پارتيا قۇرىلعانىن جاريالادى.

ا ق ش پرەزيدەنتى دونالد ترامپ پەن ونىڭ بۇرىنعى وداقتاسى، Tesla كومپانياسىنىڭ باس ديرەكتورى يلون ماسك اراسىنداعى شيەلەنىس قايتادان ءورشىدى.

بۇعان سەبەپ - ەلدەگى بيۋدجەتتىك شىعىندار تۋرالى زاڭ جوباسىنىڭ قابىلدانۋى. وسىعان بايلانىستى ا ق ش پرەزيدەنتى ماسكقا مەملەكەتتىك سۋبسيديالاردى الىپ تاستاپ، ونى وڭتۇستىك افريكاعا «قايتارۋعا» قوقان-لوققى جاسادى.

The New York Times باسىلىمىنىڭ مالىمەتىنشە، ميللياردەر ءارى ترامپتىڭ بۇرىنعى كەڭەسشىسى ماسك ەگەر بۇل ىشكى ساياساتقا قاتىستى زاڭ جوباسى قابىلداناتىن بولسا، ءوزى «امەريكا پارتياسىن» قۇرىپ، كونگرەسستەگى رەسپۋبليكاشىلداردىڭ كوبىنە قارسى شىعاتىن كانديداتتاردى قولدايتىنىن مالىمدەدى.