ترامپ: امەريكاعا كىرۋ ءۇشىن التىن كارتا قاجەت

استانا. قازاقپارات- امەريكاعا كوشىپ، سوندا جۇمىس ىستەگىسى كەلەتىندەر ەندى قۇنى 5 ميلليون دوللار تۇراتىن التىن كارتا ساتىپ الۋعا ءتيىس. اق ءۇي باسشىسى دونالد ترامپ وسىلاي دەپ مالىمدەدى.

ونىڭ ايتۋىنشا، بۇل كارتا امەريكا ازاماتتىعىن الۋعا جول اشادى. ءسويتىپ، بۇعان دەيىن قولدانىستا بولعان ينۆەستورلارعا ارنالعان كوشى-قون باعدارلاماسىن وسى التىن كارتا اۋىستىرادى. باستاما ەكى اپتادان كەيىن قولدانىسقا ەنگىزىلەدى.

دونالد ترامپ، ا ق ش پرەزيدەنتى:

- ءبىز وتە ءتيىمدى باستامانى قولعا الىپ جاتىرمىز. قولىڭىزداعى گرين-كارتانى ەندى قوسىمشا اقى تولەپ، التىن كارتاعا اۋىستىرا الاسىز. بۇل كارتانىڭ جاسىلدان ارتىقشىلىعى، ول امەريكانىڭ ازاماتتىعىن الۋعا مۇمكىندىك بەرەدى. ءسويتىپ، اۋقاتتى ادامدار وسىنى ساتىپ، الىپ، ءبىزدىڭ ەلدە ەمىن-ەركىن جۇرە الادى. ءساتتى جوبا بولادى دەپ ۇمىتتەنەمىن.

24.kz