ترامپ اكىمشىلىگى گارۆاردتى شەتەلدىك ستۋدەنتتەردى وقىتۋ قۇقىعىنان ايىردى
استانا. KAZINFORM - ا ق ش- تىڭ ىشكى قاۋىپسىزدىك مينيسترلىگى گارۆاردتى شەتەلدىك ستۋدەنتتەردى وقىتۋ قۇقىعىنان ايىردى. ءتيىستى بۇيرىققا ۆەدومستۆو باسشىسى كريستي نوەم قول قويدى، دەپ حابارلايدى BBC.
ۋنيۆەرسيتەت ەندى ستۋدەنتتىك ۆيزا الۋعا قاجەتتى قۇجاتتاردى بەرە المايدى. قازىردىڭ وزىندە وقىپ جاتقان شەتەلدىكتەر باسقا ۋنيۆەرسيتەتتەرگە اۋىسۋعا ءماجبۇر بولادى، ايتپەسە ولار دەپورتاتسياعا ۇشىرايدى.
- اكىمشىلىك گارۆاردتى زورلىق-زومبىلىق، انتيسەميتيزم جانە قىتاي كوممۋنيستىك پارتياسىمەن بايلانىستاردى قوزدىرعانى ءۇشىن جاۋاپتى دەپ سانايدى، - دەدى كريستي نوەم.
ول سونداي-اق «ۋنيۆەرسيتەتتەر ءۇشىن شەتەلدىك ستۋدەنتتەردى قابىلداۋ قۇقىق ەمەس، ارتىقشىلىق» ەكەنىن اتاپ ءوتتى.
گارۆارد بۇل شەشىمدى زاڭسىز دەپ اتاپ، حالىقارالىق ستۋدەنتتەر ۋنيۆەرسيتەت پەن ەلدى بايىتادى دەپ مالىمدەدى. قازىرگى ۋاقىتتا ۋنيۆەرسيتەتتە 7 مىڭعا جۋىق شەتەل ازاماتى ءبىلىم الىپ جاتىر - بۇل ستۋدەنتتەردىڭ جالپى سانىنىڭ تورتتەن بىرىنەن استامى.
بۇعان دەيىن ا ق ش گارۆاردقا بولىنەتىن 2,2 ميلليارد دوللار مەملەكەتتىك قارجىلاندىرۋدى توقتاتاتىنىن جازعان بولاتىنبىز.
سودان كەيىن ترامپ اكىمشىلىگى گارۆاردتان شەتەلدىك ستۋدەنتتەردى قابىلداۋ قۇقىعىن الىپ قويماق بولدى.
ال گارۆارد ۋنيۆەرسيتەتى ترامپ اكىمشىلىگىن سوتقا بەردى.
