17:56, 23 - شىلدە 2025 | GMT +5
ترامپ اۋعان بوسقىندارىن قابىلداۋدى توقتاتتى
استانا. قازاقپارات - ترامپ اكىمشىلىگى اۋعان بوسقىندارىن امەريكاعا كوشىرۋ باعدارلامالارىن ءبىرجولاتا توقتاتتى. بۇل تۋرالى Washington Post باسىلىمى حابارلادى.
ولار كەلتىرگەن مالىمەتكە قاراعاندا، ا ق ش مەملەكەتتىك دەپارتامەنتىندە اۋعان ازاماتتارىنا كوشۋگە جان-جاقتى كومەك كورسەتەتىن ارنايى ءبولىم جابىلدى. شەشىم 250 مىڭنان استام اۋعان ازاماتىنا امەريكاعا كوشۋگە تىيىم سالادى. ا ق ش-تان باسپانا كۇتىپ وتىرعان جۇزدەگەن مىڭ اۋعان ازاماتى وتانىنا جەر اۋدارىلۋى مۇمكىن. وتكەن ايدا ترامپ 12 ەلدىڭ ازاماتتارىنا ا ق ش-قا كىرۋگە تولىق تىيىم سالاتىن جارلىققا قول قويدى. بۇل تىزىمدە اۋعانستان دا بار. قازىر تاعى 36 ەلدى قوسۋدى قاراستىرىپ جاتىر.
