ترامپ: ا ق ش يرانمەن يادرولىق كەلىسىمگە جاقىن قالدى

استانا. KAZINFORM - بۇل مالىمدەمە ا ق ش پەن يران اراسىندا جالعاسىپ جاتقان كەلىسسوزدەر اياسىندا جاسالدى، ونىڭ بارىسىندا تاراپتار نەگىزگى ماسەلەلەر بويىنشا كەلىسپەۋشىلىكتەردى ەڭسەرۋگە تىرىسادى، دەپ حابارلايدى Kazinform اگەنتتىگىنىڭ ءتىلشىسى.

ا ق ش پرەزيدەنتى دونالد ترامپ بەيسەنبى كۇنى ا ق ش- تىڭ يرانمەن يادرولىق كەلىسىمگە «وتە جاقىن» ەكەنىن جانە تەگەران ونىڭ شارتتارىمەن كەلىسكەنىن ايتتى.

- ءبىز يرانمەن ۇزاق مەرزىمدى بەيبىتشىلىك تۋرالى بايسالدى كەلىسسوزدەر جۇرگىزىپ جاتىرمىز، - دەپ كەلتىرەدى ترامپ پارسى شىعاناعى ەلدەرىنە ساپارى كەزىندە.

- ءبىز كۇشتىك سەناريگە جۇگىنبەي-اق مامىلە جاساۋعا جاقىنبىز... ەكى جول بار: ءبىرى وتە جاقسى، ەكىنشىسى زورلىق-زومبىلىق ارقىلى. ءبىراق مەن ەكىنشى جولعا تۇسكىم كەلمەيدى، - دەپ قوستى ول.

Reuters اگەنتتىگىنىڭ كەلىسسوزدەردەن حاباردار دەرەككوزدەرگە سىلتەمە جاساي وتىرىپ حابارلاۋىنشا، تاراپتار اراسىندا كەلىسپەۋشىلىكتەر ءالى دە بار.

جەكسەنبى كۇنى وماندا يران مەن امەريكا وكىلدەرى اراسىنداعى كەلىسسوزدەردىڭ سوڭعى كەزەڭى اياقتالدى. تاعى دا كەزدەسۋلەر جوسپارلانعان، ءبىراق يران ۋراندى بايىتۋدى جالعاستىرۋدى تالاپ ەتىپ وتىر.

تەگەران مەن ۆاشينگتون ديپلوماتياعا بەرىلگەندىكتەرىن اتاپ كورسەتكەنىمەن، ولار بىرنەشە نەگىزگى ماسەلەلەر بويىنشا ەكىگە ءبولىندى. جاڭا كەلىسىمگە كەلۋ جانە اسكەري قاقتىعىس بولدىرماۋ ءۇشىن تاراپتار وسى «قىزىل سىزىقتان» اينالىپ ءوتۋى كەرەك.

يران پرەزيدەنتى ماسۋد پەزەشكيان سەيسەنبى كۇنى ترامپتىڭ سوزدەرىنە رەاكسيا ءبىلدىرىپ، ايماقتاعى تۇراقسىزدىققا امەريكانىڭ جاۋاپتى ەكەنىن ايتتى.

- ترامپ سانكتسيالارمەن قورقىتىپ، سوسىن ادام قۇقىقتارى تۋرالى ايتقىسى كەلەدى. بارلىق قىلمىستار مەن ايماقتىق تۇراقسىزدىق ولاردىڭ ءىسى، - دەدى ول. - ول يراننىڭ ىشىندەگى جاعدايدى تۇراقسىزداندىرۋدى قالايدى.

ا ق ش يراننىڭ ۋراندى بايىتۋدى تولىعىمەن توقتاتۋىن تالاپ ەتىپ، تەگەران بۇل تالاپتى قابىلدامايدى دەپ سانايدى. يران بيلىگى ءوز تەرريتورياسىندا ۋراندى بايىتۋ «قۇقىقتارىنان» باس تارتپايتىنىن باسا ايتادى.

سونىمەن بىرگە ولار بايىتۋ دەڭگەيىن تومەندەتۋگە دايىن ەكەندىكتەرىن ءبىلدىردى. يراننىڭ جوعارعى كوشباسشىسىنىڭ باس كەڭەسشىسى ءالي شامحاني سارسەنبى كۇنى يراننىڭ ترامپپەن بەلگىلى ءبىر شارتتاردا - سانكسيالاردى الىپ تاستاۋ ءۇشىن كەلىسىمگە كەلۋگە دايىن ەكەنىن ايتتى.

وسى اپتانىڭ باسىندا ا ق ش كەلىسسوزدەر بارىسىندا ءۇش يراندىق پەن يراننىڭ يادرولىق قارۋ باعدارلاماسىنا قاتىسى بار تەحنولوگيالىق كومپانياعا جاڭا شەكتەۋلەر ەنگىزدى.