ترامپ ا ق ش- تا توتەنشە جاعداي جاريالايدى
استانا. KAZINFORM — دونالد ترامپ سىرتقى ساۋدا-ەكونوميكالىق تاجىريبە ۇلتتىق توتەنشە جاعداي تۋدىرعانىن مالىمدەپ، ا ق ش ەكونوميكاسى مەن امەريكالىق جۇمىسشىلاردى قورعاۋ ءۇشىن جاۋاپ تاريفتەرىن ەنگىزۋ تۋرالى جارلىق شىعاردى، دەپ حابارلايدى Kazinform ءتىلشىسى.
اق ءۇيدىڭ رەسمي سايتىنداعى اقپاراتتا ترامپ 1977-جىلعى «حالىقارالىق توتەنشە ەكونوميكالىق كۇشتەر تۋرالى» زاڭ (IEEPA) بويىنشا ءوز وكىلەتتىگىن تۇراقتى ساۋدا تاپشىلىعى مەن باسقا ەلدەرمەن ساۋدا قارىم- قاتىناستارىنىڭ بولماۋىنان تۋىنداعان ۇلتتىق توتەنشە جاعدايدى شەشۋ ءۇشىن پايدالانىپ جاتقانى ايتىلعان.
IEEPA اياسىنداعى وكىلەتتىگىن پايدالانا وتىرىپ، ترامپ وسى جىلدىڭ 5 - ساۋىرىنەن باستاپ بارلىق ەلگە %10 تاريف ەنگىزبەكشى.
دونالد ترامپ سونىمەن قاتار ا ق ش- تىڭ ساۋدا تاپشىلىعى ەڭ كوپ ەلدەرگە جوعارى تاريف ەنگىزەدى. بارلىق باسقا ەلدەر بۇرىنعىسىنشا %10 باستاپقى بازالىق تاريفكە باعىنادى. وزگەرىستەر 9-ساۋىردە كۇشىنە ەنەدى.
IEEPA بۇيرىعىندا ساۋدا سەرىكتەستەرى قارىمتا شارالار قابىلداسا، تاريفتەردى كوتەرۋ وكىلەتتىگى دە قاراستىرىلعان.
الايدا، كەيبىر تاۋارعا بۇل تاريفتەر قولدانىلمايدى، ولارعا:
1. 50 USC 1702(b) قامتىلعان تاۋارلار: پوشتالىق، تەلەگرافتىق بايلانىستار؛ ادامداردىڭ قايعى- قاسىرەتتەرىن جەڭىلدەتۋ ءۇشىن پايدالانىلاتىن قايىرىمدىلىق تۇرىندەگى ازىق- تۇلىك، كيىم جانە ءدارى- دارمەك؛ اقپاراتتىق ماتەريالدار (فيلمدەر، پلاكاتتار، گرامموفوندار، فوتوسۋرەتتەر، كومپاكت- ديسكىلەر، ونەر تۋىندىلارى جانە ت. ب. )؛ جەكە پايدالانۋعا ارنالعان ىلەسپە باگاج.
2. بولات/اليۋميني بۇيىمدارى مەن اۆتوموبيلدەر/كولىك بولشەكتەرىنە بۇرىننان ەنگىزىلگەن تاريف بار؛ مىس، فارماتسيەۆتيكا، جارتىلاي وتكىزگىشتەر جانە اعاش ماتەريالدارى؛ ەنەرگيا جانە ا ق ش- تا جوق باسقا بەلگىلى مينەرالدار.
3. كانادا مەن مەكسيكا ءۇشىن فەنتانيل جانە كوشى- قون بويىنشا قولدانىستاعى IEEPA تاپسىرىستارى كۇشىندە قالادى جانە بۇل بۇيرىققا اسەر ەتپەيدى. بۇل USMCA- گە سايكەس تاۋارلارعا %0، USMCA- گە سايكەس كەلمەيتىن تاۋارلارعا %25، ال USMCA- گە سايكەس كەلمەيتىن ەنەرگيا مەن كاليگە %10 تاريفتەر قولدانىلاتىنىن بىلدىرەدى. قولدانىستاعى IEEPA فەنتانيل يمميگراتسيالىق تاپسىرىستارى توقتاتىلعان جاعدايدا، USMCA گە سايكەس ونىمدەرگە جەڭىلدىك رەجيمى جالعاسادى، ال USMCA گە سايكەس ەمەس ونىمدەرگە %12 ءوزارا تاريف قولدانىلادى.
ترامپ باج سالىعىن ەنگىزۋ ءادىل ساۋدانى قامتاماسىز ەتۋ، امەريكالىق جۇمىسشىلاردى قورعاۋ جانە ساۋدا تاپشىلىعىن ازايتۋ ءۇشىن قاجەت دەپ سانايدى.
بۇعان دەيىن ا ق ش- تىڭ قازاقستانعا دا باج سالىعىن ارتتىراتىنى حابارلانعان بولاتىن.
