تۋنيستە وتكەن حالىقارالىق ونەرتابىستار كونكۋرسىندا قازاقستاندىق وقۋشى گران-پري جەڭىپ الدى

استانا. قازاقپارات - 22-28-ناۋرىز كۇندەرى تۋنيس مەملەكەتى ماحديا قالاسىندا وقۋشىلار اراسىنداعى حالىقارالىق عىلىم جانە ونەرتابىستار كونكۋرسىندا 8-سىنىپ وقۋشىسى قۇتتىعاليەۆا اديا ۇزدىك وندىق قاتارىندا ەنىپ، گران پري يەلەندى. بۇل تۋرالى ق ر وقۋ-اعارتۋ مينيسترلىگى حابارلادى.

ماحديا قالاسىندا وقۋشىلار اراسىنداعى وتكەن كونكۋرس «THE INTERNATIONAL FESTIVAL OF ENGINEERING SCIENCE AND TECHNOLOGY IN TUNISIA (I- FEST - 2024)» تاقىرىبىندا بولدى.

بايقاۋعا الەمنىڭ 50 مەملەكەتى قاتىستى. قازاقستاننىڭ اتىنان الماتى قالاسى ناۋرىزباي اۋدانىنداعى №176-مەكتەپ- گيمنازياسىنىڭ 8-سىنىپ وقۋشىسى قۇتتىعاليەۆا اديا «تيك-توك كليپتىق ويلاۋ جۇيەسىنىڭ جاس ءوسپىرىم بالالارعا كەرى اسەرى» اتتى تاقىرىپتا عىلىمي جوباسىن قورعاعان.

سونداي-اق، اديا الەمنىڭ 50 ەلىنەن قاتىسقان جاس ونەرتاپقىشتار اراسىندا ۇزدىك 10 كونكۋرسانتتىڭ قاتارىندا قوسىلىپ، كوك تۋىمىزدى جەلبىرەتىپ، ەل ابىرويىن اسقاقتاتىپ قايتتى.

مەكتەپ ۇجىمى مەن الماتى قالاسىنداعى «دارىن ورتالىعى» جەڭىمپاز قىزدى اۋەجايدا ءان-كۇيمەن، پلاكات ۇستاپ سالتاناتتى تۇردە قارسى الماقشى.