تەلەراديو ارنالارىن تاراتۋ ۋاقىتشا توقتاتىلادى
ەلىمىزدە تەلەراديو ارنالارىن تاراتۋ 14 ساعاتقا توقتاتىلادى، دەپ حابارلادى Halyq Uni ءتىلشىسى.
مادەنيەت جانە اقپارات مينيسترلىگىنىڭ مالمەتىنشە، 2023-جىلعى 23- جەلتوقساندا ساعات 03:00 دەن 17:00 گە دەيىن «قازمەديا ورتالىعىنىڭ» حابار تاراتۋ وزەگىن جاڭعىرتۋدىڭ كەزەكتى كەزەڭىن اياقتاۋ شەڭبەرىندە بارلىق تەحنولوگيالىق كەشەننىڭ جەلىلىك جابدىعىن اۋىستىرۋ جوسپارلانعان.
سونداي-اق «قازتەلەراديو» ا ق سپۋتنيكتىك، سيفرلىق جانە انالوگتىق ەفيرلىك جەلىلەرىنىڭ تەحنيكالىق قۇرالدارىندا سەرۆيستەردى وشىرە وتىرىپ، پروفيلاكتيكالىق جۇمىس جۇرگىزىلەدى.
وسىعان بايلانىستى، كورسەتىلگەن ۋاقىت كەزەڭىندە ەفيرلىك، كابەلدىك جانە سپۋتنيكتىك تەلەراديو حابارلارىن تاراتۋ جەلىلەرىندە تەلەراديو ارنالارىن تاراتۋدىڭ توقتايتىنى تۋرالى حاباردار ەتەمىز. ۋاقىتشا قولايسىزدىقتار ءۇشىن كەشىرىم سۇرايمىز، - دەلىنگەن ۆەدومستۆو حابارلاماسىندا.
