تەلەديدار كورەتىندەر ازايىپ بارادى
استانا. قازاقپارات - بيىل ا ق ش-تا تەلەديدار كورەرمەندەرىنىڭ سانى %43,6- كە تومەندەدى. ەرەسەكتەرى ورتا ەسەپپەن كوگىلدىر ەكران الدىندا 3 ساعاتىن وتكىزەدى. تەلەديدار قىزمەتى ءۇشىن اي سايىن اقى تولەيتىندەر سانى 2014-جىلى 100 ميلليون بولسا، بۇل كورسەتكىش 2027 -جىلعا 47 ميلليونعا ازايادى دەگەن بولجام بار.
بۇعان ناقتى نە سەبەپ؟ تەلەديداردىڭ باستى باسەكەلەسى - ينتەرنەت تەلەديدار كورەرمەندەرىنىڭ سانى كۇرت تومەندەپ كەتكەنى تۋرالى ءجيى ايتامىز. بۇل حالىقتىڭ كوگىلدىر ەكران الدىندا وتىراتىنداي بوس ۋاقىتىنىڭ جوقتىعىنان بولۋى مۇمكىن. دەگەنمەن تەلەديداردىڭ باستى باسەكەلىسى - ينتەرنەت.
ستاتيستيكاعا سۇيەنسەك، جەر بەتىندەگى حالىقتىڭ 66 پايىزى ۋاقىتىن عالامتوردا وتكىزەدى. الەمدە 8 ميلليارد ادام بولسا، سونىڭ 5 ميلليارد، 350 ميلليونى، كۇنىنە 6 ساعات 40 مينۋتىن ينتەرنەتتە وتكىزەدى. بۇل، Global Data دەرەكتەرى. بۇل كورسەتكىش راسىمەن تاڭعالارلىق. دەگەنمەن، 2 ميلليارد 70 ميلليون ادام، ينتەرنەتتىڭ نە ەكەنىن دە بىلمەيدى.
ماسەلەن، ءۇندىستاندا 680 ميلليون ادام، سيفرلى قوعامدا ءومىر سۇرەتىن ءسىز بەن ءبىز سەكىلدى، ۇزدىكسىز اقپارات اعىنىمەن بەتپە-بەت كەلمەيدى. ولاردىڭ بار ەرمەگى - تەلەديدار.
ستاتيستيكاعا سۇيەنسەك، 2020 -جىلى تەلەكورەرمەندەر سانى 210 ميلليون بولسا، بۇل كورسەتكىش 2022 -جىلى 226 ميلليونعا جەتتى.
تەلەديدار كورەتىندەر ازايىپ بارادى
قوعام اراسىندا تەلەديداردىڭ كۇنى ءبىتتى دەگەن پىكىرلەر دە ايتىلىپ ءجۇر. دەگەنمەن ستاتيستيكا تەلەديدار كورەتىندەردىڭ سانى تومەندەگىنىن ايتادى. ءبىراق بۇل تەلەديداردان ءبىرجولا باس تارتۋ دەگەندى بىلدىرمەيدى. ماسەلەن، فرانسيادا، 2022 -جىلعى Mediametrie مالىمەتتەرى بويىنشا كورەرمەندەر كۇنىنە ورتا ەسەپپەن 3 ساعات 27 مينۋت تەلەديدار كورەدى. بۇل 2021 -جىلمەن سالىستىرعاندا نەبارى جارتى ساعاتقا از. سونداي-اق، كەيىنگى 10 جىلدا كەشكى باعدارلامالار بالالار، جاستار جانە ورتا جاستاعى ءۇي شارۋاسىنداعى ايەلدەر سياقتى ساناتتاعى كورەرمەندەردىڭ %31 جوعالتقان. ال، رەسەيدە، Mediascope زەرتتەۋىنە سايكەس، بىلتىر حالىقتىڭ %66 - ى كۇن سايىن تەلەديدار كورگەن. ال، «كەم دەگەندە كەيدە» تەلەديدار كورەتىن رەسەيلىكتەردىڭ ۇلەسى %98. تەلەديداردى كورۋدىڭ ورتاشا ۋاقىتى 3 ساعات 57 مينۋت. سالىستىرمالى تۇردە ايتساق، بۇل 2020 -جىلى تەلەديداردى ورتاشا كورۋ ۋاقىتى تاۋلىگىنە 6 ساعات بولاتىن.
ال ۇلىبريتانيادا اپتا سايىن تەلەديدار باعدارلامالارىن كورەتىن كورەرمەندەردىڭ ۇلەسى 2021 -جىلعى %83- دان 2022 -جىلى %79 - عا دەيىن تومەندەدى. تەلەشوۋلاردى كورۋدىڭ ورتاشا ۋاقىتى %12 - عا قىسقاردى. ءسويتىپ، 2 جىل بۇرىن بريتاندىقتار كۇنىنە ورتا ەسەپپەن 2 ساعات 38 مينۋت تەلەديدار كوردى.
24.kz
