ەتكە سۋبسيديا ۇلعايدى

استانا. قازاقپارات - ەلدە مال سانى ءوسىپ كەلەدى. ەت ءوندىرىسى ۇلعايدى. الايدا بازارداعى ەت باعاسى دا كۇن ساناپ قىمباتتاپ وتىر. قازىر دۇكەندەگى سيىر ەتىنىڭ ءبىر كەلىسى 5 مىڭ تەڭگەگە جۋىقتاسا، جىلقى ەتىنىڭ باعاسى ودان دا اسىپ كەتەدى. ەت باعاسىنا نە اسەر ەتىپ وتىر؟

ەت قىمباتتاۋىنىڭ بىرنەشە سەبەبى بار ەلدە مال كوبەيىپ كەلەدى. بيىل جارتى جىلدا 2 ميلليون 700 مىڭ بۇزاۋ تۋدى. ءسويتىپ ءىرى قارا 8,3 پايىزعا ءوسىپ، 8 ميلليون 800 مىڭعا جەتتى. قوي-ەشكى سانى 0,8 پايىزعا كوبەيىپ، 21 ميلليون 500 مىڭ بولدى. ال قامبار اتا تۇلىگى 5 پايىزعا جۋىق ءوستى. قازىر ەلدە 4 ميلليون 700 مىڭ جىلقى بار. سونداي-اق ەت ءوندىرىسى ارتىپ وتىر.

 قاڭتار-ماۋسىم ايلارىندا 530 مىڭ تونناعا جۋىق ەت ءوندىرىلدى. ءوسىم - 1,5 پايىز. دەگەنمەن ەت ءوندىرىسى ۇلعايسا دا، ىشكى نارىقتاعى باعا كوتەرىلدى. قازىر سيىر ەتىنىڭ كەلىسى 5000 تەڭگەگە دەيىن بارادى. اۋىل شارۋاشىلىعى مينيسترلىگى قىمباتشىلىقتىڭ بىرنەشە سەبەبى بار دەيدى.

 ق ر اۋىل شارۋاشىلىعى مينيسترلىگى:

- ەت ونىمدەرى باعاسىنىڭ ءوسۋى، ەڭ الدىمەن، ىشكى جانە سىرتقى وبەكتيۆتى فاكتورلارعا بايلانىستى. كوممۋنالدىق قىزمەتتەر، ەنەرگيا رەسۋرستارى، جەم-ءشوپ پەن جانار-جاعارمايدىڭ قىمباتتاۋى باعا قالىپتاسۋىنا ىقپال ەتەدى. سونداي-اق جوعارى ەكسپورتتىق سۇرانىس تا باعاعا اسەرىن تيگىزىپ وتىر. ىشكى نارىقتى قورعاۋ ماقساتىندا ءتىرى مالدى ەكسپورتتاۋعا ۋاقىتشا شەكتەۋلەر ەنگىزىلىپ، ەت ونىمدەرى ەكسپورتىن باقىلاۋ شارالارى كۇشەيتىلدى.

ەلدەگى مال سانى

سيىر - 8,8 ميلليون

 قوي - 21,5 ميلليون

جىلقى - 4,7 ميلليون

 ەت ءوندىرىسى

بارلىعى - 529,9 مىڭ توننا

 سيىر ەتى - 182,3 مىڭ توننا

قوي ەتى - 56,4 مىڭ توننا

جىلقى ەتى - 69,3 مىڭ توننا

قازىر ەلدەن مال شىعارۋعا بولمايدى. ياعني 10-قازانعا دەيىن انالىق سيىر مەن قويدى سىرتقا ساتۋعا رۇقسات جوق. سونداي-اق بۇقالاردى ەكسپورتتاۋعا تىيىم سالىنعان. 15- مامىردان 15- تامىزعا دەيىن ەنگىزىلگەن تىيىم 15-قازانعا دەيىن ۇزارتىلدى. جالپى، جىل باسىنان بەرى ەت ەكسپورتى ءوستى. قاڭتار-مامىر ارالىعىندا سيىر ەتىنىڭ ەكسپورتى 12300 تونناعا جەتتى. 9200 توننا قوي ەتى ەكسپورتتالدى. مۇنداعى ءوسىم 2,5 پايىزدان اسادى. دەگەنمەن ەكسپورتتى بۇدان دا اسىرۋعا بولادى. ەلدە 300 ءىرى قارا جانە 15 ۇساق مالدى بورداقىلايتىن الاڭ بار. الايدا بۇل الاڭداردىڭ قۋاتىن ارتتىرۋعا اقشا جوق.

ق ر اۋىل شارۋاشىلىعى مينيسترلىگى:

- بورداقىلاۋ الاڭدارىنىڭ تولىق قۋاتىنا شىقپاۋىنىڭ نەگىزگى سەبەبى - شارۋاشىلىقتاردىڭ جاس مالدى ساتىپ الاتىن اينالىم قاراجاتى تاپشى. سونداي-اق ەكىنشى دەڭگەيلى بانكتەر نەسيەسىنىڭ قىمباتتىعى قولبايلاۋ بولىپ وتىر. وسى ورايدا ۇكىمەت مال شارۋاشىلىعى سالاسىن قولداۋعا ارنالعان كەشەندى باعدارلامانى ىسكە قوستى. ەتكە سۋبسيديا ۇلعايدى 30 شىلدەدەن بەرى جەڭىلدەتىلگەن نەسيەگە ءوتىنىش قابىلدانىپ جاتىر. نەسيەنىڭ مولشەرلەمەسى - 5 پايىز. شارۋالار بۇل قارجىنى ءتول ساتىپ الۋعا، جەم-ءشوپ پەن جانار-جاعارمايعا جۇمساۋعا ءتيىس. وسى ماقساتتا 50 ميلليارد تەڭگە ءبولىندى.

جاڭا باعدارلاما بورداقىلاۋ الاڭدارىنىڭ قۋاتىن 34 پايىزدان 60-قا دەيىن ارتتىرۋعا جول اشادى. سونىمەن قاتار الداعى ۋاقىتتا مال تۇقىمىن اسىلداندىرۋعا قاتىستى «يگىلىك» باعدارلاماسى ىسكە قوسىلادى. باعدارلامانىڭ جىلدىق مولشەرلەمەسى - 6 پايىز. ال بۇعان دەيىن اسىل تۇقىمدى مالعا تولەنىپ كەلگەن سۋبسيديا توقتاتىلدى.

باعلان ايمىرزايەۆ، ق ر ا ش م مال شارۋاشىلىعى دەپارتامەنتى ديرەكتورىنىڭ ورىنباسارى:

- 2024 -جىلعا دەيىن اسىلداندىرۋ جۇمىستارىنا سۋبسيديالار بەرىلگەن بولاتىن. ءبىراق سىبايلاس جەمقورلىق تاۋەكەلدەرىنىڭ بولۋىنا بايلانىستى بيىلعى جىلى ءبىز ماۋسىم ايىنان باستاپ ول سۋبسيديانى الىپ تاستاعان بولاتىنبىز. كورشى رەسەيدى الىپ قارايتىن بولساق، ول جەردە جالپى ءونىمنىڭ 10 پايىزىنان اسا وسى سۋبسيديا تۇرىندە بەرەدى. بىزدە بۇل 3-4 پايىزعا عانا جەتەدى. سوندىقتان دا ءبىز مەملەكەتتىك قولداۋدى ءاردايىم بەرۋىمىز كەرەك. اسىل تۇقىمدى مالعا ارنالعان سۋبسيديانىڭ قارجىسى دايىن ونىمگە بەرىلەتىن قولداۋعا جۇمسالماق. ياعني بۇرىن كومبيناتقا وتكىزىلگەن ەتتىڭ ءار كەلىسىنە 200 تەڭگە تولەنسە، بيىلدان باستاپ 300 تەڭگەدەن تولەنبەك.

 24.kz