تازا قازاقستان: كەلەستە 3 جاسار ەگىزدەر ەكواكتسيانى قولداپ، گۇل وتىرعىزدى
كەلەس. KAZINFORM - ەلىمىزدە باستالعان «تازا قازاقستان» ەكولوگيالىق اكسياسىنا جاس بالدىرعاندار دا ۇلەس قوسىپ جاتىر.
كەلەس اۋدانى «ماريام-م م» بوبەكجاي بالاباقشاسىندا «بالدىرعان» توبىندا ءتالىم الىپ جاتقان 3 جاستاعى ەگىزدەر ايمان قاجىمۇحان، احمەت قاجىمۇحان جانە «سۇڭقار» توبىنىڭ 5 جاسار ەگىزدەرى ءاليا ۋپابەك، ءالي ۋپابەك تابيعاتتى تازالاۋعا ءوز ۇلەسىن قوستى.
بالاباقشا مەڭگەرۋشىسى اينۇر ستانبەكوۆا بالالاردى ۇقىپتىلىققا، تازالىققا بالاباقشادان ۇيرەتۋ وتە ماڭىزدى ەكەنىن اتاپ ءوتتى.
- بالاباقشامىزدا تاربيەلەنۋشىلەردى تابيعاتتى سۇيۋگە باۋليتىن ءتۇرلى ءىس-شارالار وتەدى. ءبىر عانا تازالىق اكسياسىمەن شەكتەلىپ قالماي، تاربيە ساعاتتارىندا تابيعاتقا قامقورلىق قاجەت ەكەندىگىن ناسيحاتتايمىز. ەلىمىزدە 5 اپتاعا سوزىلاتىن ناۋقاننىڭ ءبىرىنشى اپتاسى «تازا ولكە» دەپ باستالدى. بۇل باستامانى بالاباقشا ۇجىمى تولىق قولدايدى. بالاباقشامىزدا تاربيەلەنىپ جاتقان ەگىزدەر دە وسى شاراعا قاتىسىپ، تاربيەشىلەرىنىڭ كومەگىمەن اۋلامىزعا گۇل وتىرعىزدى، - دەيدى بالاباقشا مەڭگەرۋشىسى.
