تاياۋ شىعىستاعى شيەلەنىس: ق ر سىرتقى ىستەر مينيسترلىگى مالىمدەمە جاسادى

استانا. KAZINFORM - قازاقستان تاياۋ شىعىستاعى احۋالعا الاڭداتۋشىلىق تانىتتى. سىرتقى ىستەر مينيسترلىگىڭ ۇستانىمىن رەسمي وكىلى ايبەك سمادياروۆ مالىمدەدى.

«قازاقستان رەسپۋبليكاسىنىڭ سىرتقى ىستەر مينيسترلىگى تاياۋ شىعىستاعى شيەلەنىستىڭ ورشۋىنە بايلانىستى الاڭداۋشىلىق تانىتادى. ءبىزدىڭ بارلىق قاتىسۋ تاراپتى سابىرلىلىق تانىتىپ، بەيبىت تۇرعىنداردىڭ قازاسىمەن، كەڭ اۋقىمدى سوعىسقا اينالماۋى ءۇشىن، جول بەرمەۋى ءۇشىن شيەلەنىستەن باس تارتۋعا شاقىرامىز. وسىعان بايلانىستى كەلىسپەۋشىلىكتەردى رەتتەۋدى ب ۇ ۇ- نىڭ جارعىسى جانە حالىقارالىق قاعيداتتار شەڭبەرىندە جەدەل شارالار قابىلداۋدىڭ ماڭىزدىلىعىن اتاپ وتەمىز»، - دەدى ايبەك سمادياروۆ ۆەدومستۆودا وتكەن بريفينگىدە.

رەسمي وكىلدىڭ مالىمدەۋىنشە، قازاقستان حالىقارالىق قاۋىمداستىقتىڭ احۋالدى تۇراقتاندىرۋعا، وڭىرلىك قاۋىپسىزدىكتى قامتاماسىز ەتۋگە باعىتتالعان باستامالاردى تۇراقتى قولدايدى.

«شەتەلدەگى قازاقستان رەسپۋبليكاسى ازاماتتارىنىڭ قۇقىعىن قورعاۋ ءبىز ءۇشىن باستى باسىمدىق. ءبىز وتانداستارىمىزدىڭ قاۋىپسىزدىگىن قامتاماسىز ەتۋ ءۇشىن قولدان كەلگەننىڭ ءبارىن جاسايمىز. كەز كەلگەن جاعدايدا قولداۋ كورسەتەمىز»، - دەيدى ول.

اۆتور

داۋلەت ىزتىلەۋ