تاياۋ شىعىستا شيەلەنىس: يران يزرايلگە 100 دەن استام درون جىبەردى

استانا. KAZINFORM - سوڭعى بىرنەشە ساعات ىشىندە يران يزرايل باعىتىنا 100 دەن استام ۇشقىشسىز ۇشۋ اپپاراتىن (درون) جىبەردى، دەپ جازدى Kazinform اگەنتتىگىنىڭ ءتىلشىسى The Jerusalem Post قا سىلتەمە جاساپ.

بۇل تۋرالى يزرايل قورعانىس ارمياسىنىڭ (ساحال) وكىلى، بريگادالىق گەنەرال ەففي دەفرين جۇما كۇنگى باسپا ءسوز كونفەرەنتسياسىندا حابارلادى.

ونىڭ ايتۋىنشا، يزرايلدىڭ 200 دەن استام اسكەري ۇشاعى يرانداعى 100 دەن استام نىسانعا سوققى جاساعان، بۇل وپەراتسيا كەزىندە 330 دان استام وق-ءدارى قولدانىلعان.

گەنەرال درونداردىڭ يزرايلگە ناقتى قاشان جەتەتىنىن ناقتىلامادى، ءبىراق يزرايلدىك باسىلىمنىڭ جازۋىنشا، 2025 -جىلعى ءساۋىر ايىندا وسىنداي ۇشقىشسىز اپپاراتتار جولدا بىرنەشە ساعات جۇرگەن.

بۇعان دەيىن حابارلانعانداي، يزرايل يرانعا سوققى بەرىپ، اۋە كەڭىستىگىن جاۋىپ تاستادى.

وسى جاعدايعا بايلانىستى تەل-اۆيۆتەگى ق ر ەلشىلىگى يزرايلدەگى قازاقستان ازاماتتارىنا ۇندەۋ جاسادى.

Air Astana توبى يران مەن يراك اۋە كەڭىستىگىنىڭ جابىلۋىنا بايلانىستى كەيبىر Air Astana جانە FlyArystan تۇراقتى جانە چارتەرلىك رەيستەرىنىڭ باعىتىنداعى وزگەرىستەر تۋرالى جولاۋشىلاردى حاباردار ەتتى.

يزرايلدىڭ يرانعا جاساعان سوققىسىنان كەيىن مۇناي باعاسى كۇرت كوتەرىلدى.