تاياۋ شىعىس ەلدەرىنىڭ قورعانىس بيۋدجەتى قانداي

استانا. KAZINFORM - اسكەري قاقتىعىس ۋشىققان تۇستا تاياۋ شىعىس ەلدەرى قورعانىس شىعىنىن قايتا قاراۋعا كوشكەن. Kursiv.media باسىلىمى ايماقتاعى مەملەكەتتەردىڭ قاۋىپسىزدىككە قانشا قارجى جۇمسايتىنىن جاريالادى.

اقپاراتتا Global FirePower رەيتينگىنىڭ مالىمەتى مىسالعا كەلتىرىلگەن. وندا تاياۋ شىعىس ەلدەرىنىڭ عالامدىق رەيتينگتەگى ورنى كورسەتىلگەن.

سونىمەن، تاياۋ شىعىستا قورعانىس شىعىنى بويىنشا ساۋد ارابياسى كوش باسىندا. مەملەكەت قورعانىس سالاسىنا 71,7 ميلليارد ا ق ش دوللارىن بولگەن. ال تۇركيا - 40 ميلليارد ا ق ش دوللارى، ب ا ءا - 15,5 ميلليارد ا ق ش دوللارىن شىعىنداعان.

بۇل باعىتتا يزرايل 24,4 ميلليارد دوللار جۇمساسا، يراننىڭ قورعانىس بيۋدجەتى 10 ميلليارد دوللارعا باعالانىپ وتىر.

ەسكەرەتىن جايت، ۇيىم اسكەري تەحنيكانىڭ ساپاسى، كادر دايارلىعى، تەحنولوگيالىق ارتىقشىلىعى مەن ايماقتاعى ىقپالىن دا قاپەرگە العان. سوندىقتان كەي ەلدىڭ قورعانىس بيۋدجەتى كوپ بولعانىمەن، تىزىمدە ساپا مەن اسكەري تاجىريبە تۇرعىسىنان وزگە مەملەكەتتەن كەيىن قالىپ وتىر.

مىسالى، رەيتينگتە يزرايل - 17-ورىن، يران - 14-ورىندا ەكەنىن بايقاۋعا بولادى. ال قورعانىس شىعىنى كوپ كۋۆەيت، ومان، ليۆيا سەكىلدى ەلدەر 70-80-ورىنداردا تۇر.