تاياۋ شىعىس ەلدەرى اۋماعىنان 2463 قازاقستان ازاماتى ەۆاكۋاتسيالاندى

استانا. KAZINFORM - قازاقستان سىرتقى ىستەر مينيسترلىگى تاياۋ شىعىستاعى قاقتىعىس ايماعىنان وتانداستاردى ەۆاكۋاتسيالاۋ تۋرالى 5-ناۋرىزداعى سوڭعى دەرەكتەردى جاريالادى.

- بۇگىنگى كۇنگى جاعداي بويىنشا تاياۋ شىعىس ەلدەرىنىڭ اۋماعىنان قازاقستان رەسپۋبليكاسىنىڭ 2463 ازاماتى ەۆاكۋاتسيالاندى، - دەلىنگەن حابارلامادا.

ايتا كەتەيىك، 4-ناۋرىزدان 5-ناۋرىزعا قاراعان ءتۇنى قازاقستانعا Air Astana جانە Flydubai اۋە كومپانيالارى 5 رەيس جاسادى. وسى رەيستەرمەن ەلگە 851 جولاۋشى جەتكىزىلدى.

بۇگىن تاڭعى ساعات 05:00 شاماسىندا اتىراۋ قالاسىنا ساۋد ارابياسىنىڭ جيددا قالاسىنان 180 جولاۋشى مىنگەن ۇشاق قوندى. كەيىن ولار الماتى قالاسىنا ۇشىپ كەتتى.

تاياۋ شىعىس باعىتىنداعى اۋە قاتىناسى 10-ناۋرىزعا دەيىن توقتاتىلدى.

قازاقستان يرانداعى قايعىلى وقيعالارعا بايلانىستى كوڭىل ايتتى.