تاريحي وزگەرىس: دوللارعا ترامپتىڭ قولتاڭباسى قويىلادى
استانا. KAZINFORM - دوللاردىڭ ديزاينىنا تاريحي وزگەرىس ەنگىزۋ ۇسىنىلدى. جوباعا سايكەس، دونالد ترامپ قولتاڭباسى العاش رەت دوللار بانكنوتالارىنا قويىلماق، دەپ حابارلايدى turkystan.kz اق ش قارجى مينيسترلىگىنىڭ سايتىنا سىلتەمە جاساپ.
بۇل باستاما ا ق ش تاۋەلسىزدىگىنىڭ 250 جىلدىعىنا وراي ۇسىنىلىپ وتىر. جوسپار جۇزەگە اسسا، قازىرگى قولدانىستاعى جۇيە وزگەرىپ، بانكنوتتاردا تەك قارجى ءمينيسترىنىڭ عانا ەمەس، ەل پرەزيدەنتىنىڭ دە قولى پايدا بولادى.
ايتا كەتەيىك، سوڭعى 165 جىل بويى امەريكالىق بانكنوتتاردا قازىناشىلىق وكىلى مەن قارجى ءمينيسترىنىڭ قولتاڭباسى عانا بولعان. جاڭا ۇسىنىس وسى ءداستۇردى بۇزۋى مۇمكىن.
ا ق ش قارجى ءمينيسترى سكوتت بەسسەنتتىڭ پىكىرىنشە، بۇل قادام ەلدىڭ ەكونوميكالىق جەتىستىكتەرىن جانە تاريحي كەزەڭىن ايشىقتايدى. ال قازىناشىلىق وكىلى برەندون بيچ مۇنداي شەشىم ۇلتتىق ۆاليۋتانىڭ سيمۆولدىق ءمانىن كۇشەيتەدى دەپ سانايدى.
دەگەنمەن ساراپشىلار مۇنداي وزگەرىس قوعامدا قىزۋ پىكىرتالاس تۋدىرۋى مۇمكىن ەكەنىن ايتادى. ويتكەنى ا ق ش-تا اقشا ديزاينى ساياسي بەيتاراپتىقتى ساقتاۋدىڭ ماڭىزدى ەلەمەنتى رەتىندە قاراستىرىلادى.
