تارباعاتايدا قار كۇرت ەرىپ، رەسپۋبليكالىق جولدى سۋ باستى

سەمەي. KAZINFORM - اباي وبلىسىندا سۋ تاسقىنى قاۋپى بار ما؟ قازاۆتوجول وسىعان بايلانىستى مالىمدەمە جاسادى.

ايتا كەتەيىك، بۇگىن ساعات 20:00 شاماسىندا كۇن جىلىنىپ، تارباعاتاي تاۋىنداعى قار كۇرت ەري باستاعان.

وسىعان بايلانىستى «تاسكەسكەن- باقتى» (ق ح ر شەكاراسى) رەسپۋبليكالىق ماڭىزى بار اۆتوموبيل جولىنىڭ بويىندا ەرىگەن قىزىل سۋ جينالعانى بايقالادى.

جينالۋ ۇزىندىعى - 2 شاقىرىم.

ۋچاسكەدە 7 تەمىر- بەتون قۇبىرى جانە ءبىر كوپىر بار.

«اۆتوجولعا تاۋلىك بويى باقىلاۋ جۇرگىزىلىپ، 10 ادام، 4 تەحنيكا جۇمىلدىرىلدى. قازاۆتوجول جولشىلارى ۋچاسكەنى 100 قاپ قۇممەن قورشاپ قويدى» دەيدى كومپانيادان.

اۆتوجولدا قوزعالىسقا شەكتەۋ جوق.