تارازدا سوققىعا جىعىلعان دەپۋتاتتىڭ ىسىنە قاتىستى ءمان-جاي انىقتالىپ جاتىر

تاراز. KAZINFORM - كەشە كەشكە الماتى وبلىسى ىلە اۋداندىق ءماسليحاتىنىڭ دەپۋتاتى، زاڭگەر نۇرلان بايعازيەۆ تارازا قالاسىنىڭ ورتالىعىندا سوققىعا جىعىلدى، دەپ حابارلايدى Kazinform ءتىلشىسى.

قازاقستاندىق ب ا ق-تا بايعازيەۆتىڭ ەسىمى بىرنەشە اپتا بۇرىن پوليتسەيلەردىڭ كامەلەتكە تولماعان قىزعا كولىگىنە مىنۋگە ۇسىنىپ جاتقانى تۇسىرىلگەن بەينەنى جاريالاعاننان كەيىن شىقتى. تەكسەرىستەن كەيىن پوليتسيا قىزمەتكەرلەرى جۇمىستان بوساتىلدى.

تارازدا زاڭگەر كليەنتپەن كەزدەسۋدە بولعان، ول جەردە كەشكى ساعات 18:00 شاماسىندا بەلگىسىز بىرەۋ وعان شابۋىل جاساپ، سوققىعا جىققان. وقيعا تەز ارادا دەپۋتات تۋدىرعان اتىشۋلى وقيعامەن بايلانىستىرىلدى، ءبىراق جاعدايدى بۇگىن تاڭەرتەڭ جەلىدە پايدا بولعان الدىڭعى جانجال بەينەسى انىقتادى.

وندا ايەل مەن بالا وتىرعان ديۆاننىڭ جانىندا ەكى ەر ادامنىڭ جانجالداسىپ تۇرعانى كورسەتىلگەن. توبەلەسكە زاريادتاعىش قۇرال سەبەپ بولدى. ادۆوكات تەلەفونىن ەر ادام مەن ايەلى وتىرعان ورىندىقتىڭ قاسىندا قۋاتتاماق بولعان. الايدا بۇل ەرلى-زايىپتىلارعا ۇناماعان.

وقيعادان كەيىن دەپۋتات اۋرۋحاناعا جەتكىزىلدى.

جامبىل وبلىسى پوليتسيا دەپارتامەنتى باسپا ءسوز قىزمەتىنىڭ مالىمەتىنشە، اتالعان وقيعا بويىنشا ءىس قوزعالدى.

- وقيعاعا قاتىسى بار ادام انىقتالىپ، پوليتسياعا جەتكىزىلدى. اتالعان فاكتى بويىنشا ق ر قىلمىستىق كودەكسى 293-بابىنىڭ 1-ءبولىمى (بۇزاقىلىق) بويىنشا سوتقا دەيىنگى تەرگەۋ امالدارى جۇرگىزىلىپ جاتىر. قازىرگى ۋاقىتتا قىلمىستىق ءىس بويىنشا وقيعانىڭ بارلىق ءمان-جايىن جان-جاقتى جانە وبەكتيۆتى انىقتاۋعا باعىتتالعان قاجەتتى جەدەل-ىزدەستىرۋ شارالارى جۇرگىزىلىپ جاتىر، - دەپ جاۋاپ بەردى ۆەدومستۆودا.

اۆتور

زارينا تۋعانبايەۆا