تاپقىر ءسوزدى قالاي تابادى؟

راس، انانىڭ سۇتىمەن بەرىلمەگەن تالانت تانانىڭ سۇتىمەن بەرىلمەيدى. الايدا ونى كۇندەلىكتى شىڭداپ، جاقسى ناتيجەگە قول جەتكىزۋگە بولادى.

انگليا كورولدىگىنىڭ پرەمەر ءمينيسترى ۋينستون چەرچيلل وتە شەشەن ادام بولعان. ونىڭ قيىننان قيىستىرىپ ايتقان ۇتىمدى سوزدەرى تاڭعالدىرماي قويمايدى. ءبىراق شەشەن ءتىلدى شەنەۋنىك بۇل قاسيەتىن ۇنەمى كەمەلدەندىرىپ وتىرۋ ءۇشىن، ماقال- ماتەل، تۇراقتى تىركەستەردى جاتتاپ جادىن جاڭعىرتىپ وتىرعان كورىنەدى.

بىردە كومەكشىسى گارولد ماكميللان «نە ىستەپ وتىرسىز، پرەمەر- مينيستر؟»، دەسە، ۋينستون چەرچيل «ەكسپرومتقا دايىندىق جاساپ وتىرمىن»، دەگەن ەكەن.

ەل ىشىندە ءبىر ايتىسكەر اقىن ساحنانىڭ سىرتىندا «سۋىرىپ سالاتىنىمىزدى ەسكە ءتۇسىرىپ الايىق» دەپ دايىندالعان شۋماقتارىن قايتالاپ وتىرعانى بار ەدى.

سوندىقتان يمپروۆيزاتسيانى عايىپتان تايىپ ءسىزدىڭ اۋزىڭىزعا تۇسە قالعان ءساتتى ءسوز دەپ ەمەس، تۇراقتى ەڭبەكتىڭ ارقاسىندا قول جەتكىزگەن تاپقىرلىق دەپ باعالانىمىز ءجون.

ابزال ماقاش

egemen.kz