تانىمال ساۋدا جەلىلەرىن بوپسالاعان «بلوگەرلەر» سوتتالدى
پەتروپاۆل. KAZINFORM - پەتروپاۆل قالاسىنىڭ ەكى تۇرعىنى «Magnum» جانە «سەمەينىي» ساۋدا جەلىلەرىنەن «رەيد» دەپ اتالاتىن بەينەتۇسىرىلىمدەردى جانە الەۋمەتتىك جەلىلەردە جاريالاۋدى توقتاتۋ ءۇشىن اقشا بوپسالادى دەپ ايىپتالدى.
ولار ۇيالى تەلەفوندارعا ساۋدا جەلىلەرىنىڭ دۇكەندەرىنە بارعاندارىن جازىپ الىپ، جاريا ەتىلگەن جاعدايدا مەنشىك يەلەرىنىڭ مۇددەلەرىنە ايتارلىقتاي زيان كەلتىرۋى مۇمكىن اقپارات جيناعان. كەيىننەن جاريالانىمدار «instagram» الەۋمەتتىك جەلىسىندە جانە «Youtube» ارناسىندا جۇرگىزىلگەن.
- سوتتالعانداردىڭ كىناسى جابىرلەنۋشىلەردىڭ، كۋالاردىڭ ايعاقتارىمەن، جاسىرىن تەرگەۋ ارەكەتتەرىنىڭ ناتيجەلەرىمەن جانە قىلمىستىق ىستىڭ باسقا دا ماتەريالدارىمەن دالەلدەندى، - دەلىنگەن س ق و پروكۋراتۋراسى حابارلاماسىندا.
ايىپتاۋ ۇكىمى القابيلەر القاسىنىڭ قاتىسۋىمەن شىعارىلىپ، ەكى ادامعا ناقتى مەرزىمى 7 جىلعا باس بوستاندىعىنان ايىرۋ تۇرىندە جازا تاعايىندالدى.
پەتروپاۆل قالالىق سوتىنىڭ «بلوگەرلەرگە» قاتىستى ۇكىمى زاڭدى كۇشىنە ەندى.
