سولتۇستىك كورەيا جاڭا يادرولىق قارۋدى سىناپ كوردى

سولتۇستىك كورەيا بيلىگى ا ق ش، جاپونيا جانە وڭتۇستىك كورەيانىڭ جاتتىعۋلارىنا جاۋاپ رەتىندە Haeil-5-23 سۋ استىنداعى يادرولىق قارۋ جۇيەسىن سىناقتان وتكىزدى. بۇل تۋرالى كورەيانىڭ ورتالىق تەلەگراف اگەنتتىگى (س ت ا ك) ءمالىم ەتتى، دەپ حابارلايدى Kazinform تاسس-قا سىلتەمە جاساپ.

- 15-قاڭتاردان باستاپ ءۇش كۇن بويى امەريكالىق اتوم تاسىمالداۋشىسى Carl Vinson، كوپ فۋنكسيونالدى Aegis جاۋىنگەرلىك جۇيەسىمەن جابدىقتالعان Princeton كرەيسەرى، جاپونيانىڭ ءوزىن-ءوزى قورعاۋ وتريادى اسكەري- تەڭىز كۇشتەرىنىڭ كەمەلەرى مەن كورەيا رەسپۋبليكاسىنىڭ اسكەري-تەڭىز كۇشتەرى چەدجۋ ارالىنىڭ اينالاسىنداعى تەڭىزدە بىرىككەن تەڭىز جاتتىعۋلارىن قايتا وتكىزدى، - دەدى س ت ا ك.

- بۇعان جاۋاپ رەتىندە ك ح د ر ۇلتتىق قورعانىس اكادەمياسى جانىنداعى سۋاستى قارۋ-جاراق جۇيەلەرى ينستيتۋتى شىعىس تەڭىزىنىڭ سۋ ايدىنىندا ازىرلەنىپ جاتقان «حەيل-5-23» يادرولىق قارۋىنىڭ سۋاستى جۇيەسىن سىناقتان وتكىزدى.

2023 -جىلدىڭ 24-ناۋرىزىندا «كورەيا داۋىسى» راديوسى ك ح د ر 21-23-ناۋرىز ارالىعىندا جارىلىستان كەيىن راديواكتيۆتى سۋنامي تۋدىرۋى مۇمكىن يادرولىق زاريادتى تاسىمالداۋعا قابىلەتتى جاڭا سۋاستى قارۋىن سىناقتان وتكىزگەنىن حابارلاعان بولاتىن.

ونىڭ ميسسياسى - سۋ استىندا جاسىرىن ءجۇزۋ ارقىلى اۋىر راديواكتيۆتى تسۋنامي تۋدىرىپ، جاۋدىڭ كەمەلەر توبى مەن پورتىن جويۋ.