تانىمال جۋرناليست دياس احمەتشارىپ ومىردەن ءوتتى
استانا. KAZINFORM - تانىمال سپورت جۋرناليسى، باق سالاسىنىڭ بەلگىلى وكىلى دياس احمەتشارىپ 49 جاسىندا ومىردەن ءوتتى. مالىمەتتى تۋريزم جانە سپورت مينيسترلىگى راستادى.
بۇعان دەيىن دياس سوۆەتقالي ۇلى ميىنا قان قۇيىلىپ، كوماعا تۇسكەنى جايلى جازعان ەدىك.
ونداعى مالىمەتكە ساي، وقيعا اقتاۋ قالاسىندا بولعان. كەيىن دارىگەرلەر ونىڭ جاعدايىن اسا اۋىر دەپ باعالاعان. اقىرى سول ناۋقاسىنان وڭالا الماي، بۇگىن ومىردەن ءوتتى.
ەسكە سالساق، 2023-جىلدىڭ كۇزىندە دياس احمەتشارىپ تۋريزم جانە سپورت ءمينيسترىنىڭ قوعاممەن بايلانىس جانە ب ا ق جونىندەگى كەڭەسشىسى قىزمەتىنە تاعايىندالعان ەدى.
سونىمەن قاتار ول ىشكى ىستەر مينيسترلىگى جانىنداعى ەسىرتكى قىلمىسىنا قارسى كۇرەس جونىندەگى كەڭەستىڭ قۇرامىندا جۇمىس ىستەدى.
ول ەڭبەك جولىن 1997-جىلى قازاق راديوسىنىڭ رەپورتەرى بولىپ باستاعان. ۇزاق جىلدار «حابار» اگەنتتىگى مەن «قازاقستان» تەلەارناسىندا سپورت جۋرناليسى بولعان.
«قازسپورت» مەملەكەتتىك تەلەارناسىنىڭ تۇڭعىش ديرەكتورى، «insport» تەلەارناسىنىڭ باس رەداكتورى قىزمەتىن اتقارعان.
2003-2007 ج ج. – ق ر سپورت جانە تۋريزم ىستەرى اگەنتتىگىنىڭ باسپا ءسوز قىزمەتىنىڭ باسشىسى، باسپا ءسوز حاتشىسى؛
2010-2012 ج ج. - «استانا- س ك» كورپوراتيۆتىك قورىنىڭ قوعاممەن بايلانىس دەپارتامەنتىنىڭ ديرەكتورى (سپورتتى قولداۋ قورى)؛
2012-2013 ج ج. – ق ر سپورت جانە دەنە شىنىقتىرۋ ىستەرى اگەنتتىگى ءتوراعاسىنىڭ كەڭەسشىسى بولدى.
وليمپيادا جانە ازيا ويىندارىنىڭ، سپورت تۇرلەرىنەن الەم چەمپيوناتتارىنىڭ سپورت شولۋشىسى جانە ق ر قۇراماسىنىڭ باسپا ءسوز اتتاشەسى بولدى.
