تانىمال اۋە كومپانياسى بالالارعا ارنالعان 50 پايىز جەڭىلدىكتى ورىنداماعان

باس كولىك پروكۋراتۋراسى جانىنداعى ۇيلەستىرۋ كەڭەسىندە اۆياتسيالىق قاۋىپسىزدىك جانە اۆياجولاۋشىلاردىڭ قۇقىقتارىن قورعاۋ ماسەلەلەرى قارالدى، دەپ حابارلايدى قازاقپارات اتالعان ۆەدومستۆونىڭ باسپا ءسوز قىزمەتىنە سىلتەمە جاساپ.

 Бас көлік прокуратурасы
Фото: Бас көлік прокуратурасы

وتىرىسقا قاتىسۋشىلاردىڭ باياندامالارىن تالقىلاۋ ناتيجەلەرى بويىنشا ءبىرقاتار شەشىمدەر قابىلدانعان، ولار ءبىرىنشى كەزەكتە مەملەكەتتىك ورگانداردىڭ ءوزارا ءىس- قيمىل پروتسەستەرىن تسيفرلاندىرۋعا، سونداي- اق وبەكتيۆتى باقىلاۋ جۇيەلەرىن جاقسارتۋعا باعىتتالعان.

وسىنى ورىنداۋ شەڭبەرىندە «مەملەكەتتىك جەر كاداسترىنىڭ» اۆتوماتتاندىرىلعان اقپاراتتىق جۇيەسىنە اۋەايلاق ماڭىنداعى جەردى بەرۋدى شەكتەيتىن قوسىمشا فۋنكتسيونالدى ەنگىزۋ جۇمىسى باستالاتىن بولادى.

سونداي- اق كەڭەس مۇشەلەرى QR- كود ارقىلى اۆياكومپانيالاردىڭ جانە اۆياتاسىمالدار سالاسىندا قىزمەت كورسەتەتىن باسقا دا سۋبەكتىلەردىڭ ارەكەتتەرىنە نەمەسە ارەكەتسىزدىگىنە جولاۋشىلاردىڭ ەلەكتروندىق شاعىم بەرۋ تۋرالى ۇسىنىستاردى ازىرلەۋدى قولداعان.

ەندى قازاقستاننىڭ اۆياتسيالىق اكىمشىلىگىنىڭ دەرەكقورىن دەنساۋلىق ساقتاۋ مينيسترلىگىنىڭ ءبىرىڭعاي اقپاراتتىق جۇيەسىمەن بىرىكتىرۋ ارقىلى ۇشۋ ەكيپاجىنىڭ دەنساۋلىق جاعدايى تۋرالى قاجەتتى مالىمەتتەردى ونلاين رەجيمدە انىقتاۋعا بولادى.

وزەكتى ماسەلەلەردىڭ قاتارىندا مىنا جاي اتالىپ ءوتتى: قازاقستان رەسپۋبليكاسى "كولىك تۋرالى" زاڭىنىڭ 13-بابىندا 2-دەن 12 جاسقا دەيىنگى كامەلەتكە تولماعان جولاۋشىلاردى حالىقارالىق رەيستەرمەن، 2-دەن 15 جاسقا دەيىنگى كامەلەتكە تولماعان جولاۋشىلاردى ىشكى رەيستەرمەن تاسىمالداعاندا % 50 جەڭىلدىك جاسالاتىنى جازىلعان، الايدا ول ورىندالماعان.

مىسالى، ەڭ ءىرى اۆياكومپانيالاردىڭ ءبىرى سايتتا بيلەتتەردى ساتۋ كەزىندە تەك 11 جاسقا دەيىنگى جولاۋشىلارعا عانا بالالار ءتاريفىن قولدانادى، ال زاڭ بويىنشا 15 جاسقا دەيىن بالالار تاريفى قولدانىلۋى كەرەكتىگى جازىلعان.

اگرەگاتورلار (بيلەتتەردى ونلاين ساتىپ الۋعا ارنالعان قوسىمشالار) ارقىلى بيلەتتەردى ساتىپ العاندا «جەڭىلدىك» مۇلدەم قولدانىلمايدى.

بۇعان دەيىن پروكۋراتۋرانىڭ اكتىسى بويىنشا «فلاي ارىستان» جانە «كازاحەير» اۆياكومپانيالارى حالىقارالىق رەيستەرگە «بالالارعا جەڭىلدىكتەردى» ۇسىنباعانى ءۇشىن اكىمشىلىك جاۋاپكەرشىلىككە تارتىلعان بولاتىن.

ازاماتتىق اۆياتسيا كوميتەتى كامەلەتكە تولماعان جولاۋشىلارعا جەڭىلدىكتەردىڭ تيىسىنشە قولدانىلۋىن، سونداي- اق جولاۋشىلاردى اۆياتاسىمالداۋ سالاسىندا ساپالى قىزمەت كورسەتپەگەنى تۋرالى حاباردار ەتۋگە مىندەتتەيتىن زاڭنامالىق تۇزەتۋلەردى جۇيەلى نەگىزدە قاداعالاۋعا مۇمكىندىك بەرەتىن الگوريتم ازىرلەۋمەن اينالىسادى.

سونىمەن بىرگە، تۇتىنۋشىلاردىڭ قۇقىقتارىن قورعاۋ كوميتەتى مۇددەلى ورگاندارمەن بىرلەسىپ، اۆياكومپانيالارمەن رەيستەردى كەشىكتىرگەنى ءۇشىن سوتقا ايىپپۇلداردى ءوندىرىپ الۋ (ءار ساعات ءۇشىن بيلەت قۇنىنىڭ % 3)، سونداي- اق «بالالاردىڭ بيلەتتەر» ءۇشىن ارتىق تولەنگەن سومانى قايتارۋ ماسەلەسى بويىنشا تالاپ قويۋدى زەردەلەيدى.

سونىمەن قاتار، اكىمشىلىك قۇقىق بۇزۋشىلىق تۋرالى كودەكسكە ءبىرقاتار تۇزەتۋلەر ەنگىزۋ تۋرالى ماسەلەنى پىسىقتاۋ جوسپارلانۋدا، ولار جولاۋشىلاردى كىدىرىستەر تۋرالى ۋاقتىلى حاباردار ەتپەۋ، بالالارعا، مۇمكىندىگى شەكتەۋلى ادامدارعا جەڭىلدىكتەرمەن قىزمەتتى كورسەتپەۋ، سونداي- اق «وۆەربۋكينگ» ءۇشىن بولەك قۇقىق بۇزۋشىلىقتاردىڭ قۇرامىن قاراستىرۋدا.

كورسەتىلگەن تاپسىرمالار بويىنشا ناقتى مەرزىمدەر ايقىندالدى جانە ولاردىڭ جۇزەگە اسىرىلۋىن باقىلاۋ ۇيلەستىرۋ كەڭەسىنىڭ حاتشىلىعىنا جۇكتەلدى.

اۆتور

ەربول جانات

سوڭعى جاڭالىقتار