تالدىقورعاندا ايۋاندىقپەن ولتىرىلگەن ەكى ادامنىڭ دەنەسى تابىلدى

қылмыс
Фото: Kazinform

جانتۇرشىگەرلىك وقيعا 5-قاڭتار كۇنى بولعان. 72 جاستاعى زەينەتكەر مەن ونىڭ 52 جاستاعى ۇلىنىڭ دەنەسىن قوناقتان قايتقان نەمەرەسى ءبىرىنشى بولىپ كورگەن.

وقيعا ورنىنا كەلگەن پوليتسيا وكىلدەرى مارقۇمدار بىرنەشە جەردەن سالعان پىشاق جاراقاتىنان كەيىن قايتىس بولۋى مۇمكىن دەگەن بولجام جاساعان. الايدا زەينەتكەردىڭ كورشىلەرى مارقۇمنىڭ اسا قاتىگەزدىكپەن ازاپتالعانىن جانە ۇلى ەكەۋىن مالشا باۋىزداپ كەتكەنىن ايتادى. قىلمىس ورنىندا ارنايى ساراپتاما تاعايىندالىپ، تەرگەۋ جۇرگىزىلىپ جاتىر.

«قىلمىستىق ءىس ادام ءولتىرۋ بابى بويىنشا قوزعالدى. باسقا مالىمەتتەر تەرگەۋ قۇپياسىنا سايكەس جاريالاۋعا جاتپايدى»، - دەلىنگەن تالدىقورعان پوليتسياسى تاراتقان مالىمدەمەدە.

اۆتور

قالماحانبەت مۇقامەتقالي

سوڭعى جاڭالىقتار