تالعات ەرمەگيايەۆقا مەرزىمىنەن بۇرىن بوساپ شىعۋعا رۇقسات بەرىلەمە
قونايەۆ. KAZINFORM - «استانا ەكسپو-2017» ۇلتتىق كومپانياسىنىڭ بۇرىنعى باسشىسى تالعات ەرمەگيايەۆ مەرزىمىنەن بۇرىن بوستاندىققا شىقپايدى.
سوت وتىرىسى الاتاۋ قالاسىندا ءوتتى. الماتى وبلىسى سوتىنىڭ باسپا ءسوز قىزمەتى مالىمەتىنشە، شارتتى تۇردە مەرزىمىنەن بۇرىن بوساتۋ تۋرالى ءوتىنىش قارالىپ، ول قاناعاتتاندىرىلعان جوق.
ەسكە سالايىق، «استانا ەكسپو-2017» ۇلتتىق كومپانياسىنىڭ بۇرىنعى باسشىسى تالعات ەرمەگيايەۆ 2015-جىلدىڭ 12-ماۋسىمىندا ءۇي قاماققا الىنعان.
2016-جىلى 9-ماۋسىمدا ول استانا قالاسىنىڭ قىلمىستىق ىستەر جونىندەگى اۋدانارالىق مامانداندىرىلعان سوتىنىڭ ۇكىمىمەن 14 جىلعا باس بوستاندىعىنان ايىرىلعان بولاتىن. سونداي-اق سوت ت. ەرمەگيايەۆتەن «استانا ەكسپو-2017» كومپانياسىنا 5,9 ميلليارد تەڭگەنى قايتارۋ جونىندە ۇكىم شىعاردى.
2017-جىلى «استانا ەكسپو-2017» ۇلتتىق كومپانياسىنىڭ بۇرىنعى باسشىسى تالعات ەرمەگيايەۆقا جازاسىن وتەۋ ءۇشىن قولايلى جاعداي جاساعان تۇرمەنىڭ 16 لاۋازىمدى تۇلعاسى جاۋاپقا تارتىلدى.
2018-جىلى تالعات ەرمەگيايەۆكە قامقورلىق جاساعان استاناداعى كولونيا باسشىسى سوتتالدى.
