تالعات اردانعا قاتىستى سوت ۇكىمى قايتا قارالۋى مۇمكىن - انتيكور
استانا. KAZINFORM - استانا LRT- نىڭ بۇرىنعى باسشىسى تالعات اردان تۇركيادان قازاقستانعا جەتكىزىلگەننەن كەيىن، وعان قاتىستى قىلمىستىق ءىس قايتا قارالۋى مۇمكىن.
بۇل تۋرالى سىبايلاس جەمقورلىققا قارسى ءىس-قيمىل اگەنتتىگىنىڭ رەسمي وكىلى دانيار بيگايداروۆ ءمالىم ەتتى.
- سوت ۇكىمىمەن سىرتتاي 11 جىلعا سوتتالدى. قازىر باس پروكۋراتۋرا ەكستراديتسيالاۋمەن اينالىسىپ جاتىر، قازاقستانعا قايتارىلعان جاعدايدا، ول سوت ۇكىمىمەن تانىسادى. تانىسقان سوڭ 15 كۇننىڭ ىشىندە اپپەلياتسيالىق شاعىم تۇسىرەتىن بولسا، قايتا قارالۋى مۇمكىن، - دەدى دانيار بيگايداروۆ ۆەدومستۆودا وتكەن باسپا ءسوز ءماسليحاتىندا.
بيىل مامىردا باس پروكۋراتۋرا استانا LRT- نىڭ بۇرىنعى باسشىسى تالعات ارداننىڭ تۇركيادا ۇستالىپ، قازاقستانعا ەكستراديتسيالاناتىنىن حابارلادى.
ەسكە سالايىق، 2023-جىلى مامىردا ەلوردادا سالىنباي قالعان Astana LRT قۇرىلىسىنا قاتىستى قىلمىستىق ءىس بويىنشا سوت ۇكىمى شىقتى. سوت ۇكىمىمەن تالعات اردان مەن قانات سۇلتانبەكوۆ 7 جىلعا سوتتالدى.
2024-جىلى قاراشادا LRT ەكس-باسشىسى تالعات اردانعا قاتىستى جاڭا ۇكىم شىقتى.
ايتا كەتەيىك، «استانا LRT» بويىنشا ءىس سوتقا 2020-جىلى قازاندا جولداندى.
