تالعارداعى تراگەديا: قوعامدىق ءتارتىپتى قاداعالاۋ ءۇشىن ۇلتتىق ۇلان اسكەرى جۇمىلدىرىلدى

الماتى. KAZINFORM - قازىرگى ۋاقىتتا الماتى وبلىسىنىڭ تالعار قالاسىندا قوعامدىق ءتارتىپ پەن تۇراقتىلىقتى قاداعالاۋ قىزمەتىن اتقارۋ ءۇشىن ق ر ءى ءى م  ۇلتتىق ۇلان اسكەري ءبولىمىنىڭ جەكە قۇرامى جۇمىلدىرىلدى. بۇل تۋرالى ق ر ءى ءى م ۇلتتىق ۇلانىنىڭ باسپا ءسوز قىزمەتى ءمالىم ەتتى.

«وتكىزىلەتىن ءىس-شارالار قاۋىپسىزدىكتى قامتاماسىز ەتۋگە جانە قوعامدىق ءتارتىپتى ساقتاۋعا باعىتتالعان. ازاماتتاردان اسكەريلەردىڭ مىندەتىنە تۇسىنىستىكپەن قاراۋدى سۇرايمىز»، - دەپ حابارلادى ۇلتتىق ۇلانىنىڭ باسپا ءسوز قىزمەتى.

بۇعان دەيىن حابارلانعانداي 4-قازان كۇنى تالعار قالاسىنداعى توبەلەستەن جاس ءوسپىرىم قايتىس بولعانىن جازعانبىز.

ودان كەيىن شەرزاتتىڭ تۋعان-تۋىستارى مەن تالعار تۇرعىندارى اشىق تەرگەۋ بولۋىن تالاپ ەتىپ، نارازىلىققا شىققان بولاتىن.

ارتىنشا تالعاردا 16 جاسار شەرزاتتىڭ ءۇيى ورتەندى. پوليتسيا وتباسىنى قورعاۋعا الدى.

باس پروكۋراتۋرانىڭ باسشىلىعىمەن قىلمىستى اشۋ ءۇشىن ۆەدومستۆوارالىق جەدەل-تەرگەۋ توبى قۇرىلعانى بەلگىلى بولدى.

ىشكى ىستەر ءمينيسترىنىڭ ءبىرىنشى ورىنباسارى باۋرجان الەنوۆ مارقۇم شەرزات بولاتتىڭ ءۇيىن ورتەۋ وقيعاسىن تەرگەۋ توبىمەن تالعارعا باردى.

كەيىن ىشكى ىستەر ءمينيسترىنىڭ ءبىرىنشى ورىنباسارى باۋىرجان الەنوۆ ءورت قىلمىسى بويىنشا ايعاقتار الىنىپ، ءتيىستى ساراپتامالار جۇرگىزىلىپ جاتقانىن حابارلادى.