تالعار اۋداندىق پوليتسيا باسقارماسىنا جاڭا باسشى تاعايىندالدى
قونايەۆ. KAZINFORM - تالعار اۋداندىق پوليتسيا باسقارماسىنا جاڭا باسشى تاعايىندالدى.
ق ر ىشكى ىستەر ءمينيسترىنىڭ بۇيرىعىمەن تالعار اۋدانى پوليتسيا باسقارماسىنىڭ باستىعى لاۋازىمىنىڭ مىندەتىن اتقارۋشى بولىپ پوليتسيا پودپولكوۆنيگى ايدار ابدىكەرىم ۇلى وماروۆ تاعايىندالدى.
وسىعان دەيىن الماتى وبلىسى پوليتسيا دەپارتامەنتىندە كادرلىق اۋىس-ءتۇيىس بولعانى تۋرالى جازعان ەدىك. پوليتسيا قىزمەتى باسقارماسىنىڭ باستىعى لاۋازىمىنا ابدۋنۋر تاسىبايەۆ جانە ۇيىمداسقان قىلمىسقا قارسى كۇرەس باسقارماسىنىڭ باستىعىنا بايجان ساتىلعانوۆ تاعايىندالعان بولاتىن.
سونداي-اق الماتى وبلىسىندا پوليتسيا باستىعىنىڭ 2 ورىنباسارى تاعايىندالعانىن جازعانبىز.
ال قازان ايىندا مەيرام ابىكەيەۆ الماتى وبلىسى پوليتسيا دەپارتامەنتىنىڭ باستىعى بولدى.
ەسكە سالايىق، 4 -قازاندا تالعار قالاسىنداعى توبەلەستەن ءبىر ادام قايتىس بولعانىن جازعانبىز.
اۆتور
الما مۇقانوۆا
